ဘာသာကြီး(၄)ခု၏ ချစ်ကြည်ရေးအခမ်းအနား စင်ထရယ်ဟိုတယ်တွင် ကျင်းပ

ဘာသာကြီး(၄)ခု၏ ချစ်ကြည်ရေးအခမ်းအနား စင်ထရယ်ဟိုတယ်တွင် ကျင်းပ Posted: 25 Apr 2013 07:03 PM PDT ဧပြီ – ၂၅-၂၀၁၃ M-Media ဆူးထက် P7230049 ဧပြီလ ၂၅ရက်နေ့က ရန်ကုန်တိုင်းဒေသကြီး၊ အနောက်ပိုင်းခရိုင်၊ ပန်းဘဲတန်းမြို့နယ် ရှိ ဗုဒ္ဓဘာသာ၊ အစ္စလာမ် ဘာသာ၊ ဟိန္ဒူဘာသာ၊ ခရစ်ယာန်ဘာသာ ဘာသာကြီး(၄)ခု၏ ချစ်ကြည်ရေး အခမ်းအနားကို စင်ထရယ်ဟိုတယ်၊ ပတ္တမြားခန်းမ ၌ နံနက် (၉)နာရီမှ (၁၁)နာရီထိ ကျင်းပ ပြုလုပ်ခဲ့ကြောင်း သတင်းရရှိသည်။ ပဋိပက္ခ ကြိုတင်ကာကွယ်ရေး အဖွဲ့မှ ကြီးမှူး ကျင်းပသောအဆိုပါ အခမ်းအနားသို့ ရန်ကုန်တိုင်းဒေသကြီးအစိုးရအဖွဲ့၊ လှုမှုရေးဝန်ကြီးဒေါက်တာမြင့်သိန်း အပါအ၀င် ပန်းဘဲတန်းမြို့နယ် ရှိ ဗုဒ္ဓဘာသာ၊ အစ္စလာမ်ဘာသာ၊ ဟိန္ဒူဘာသာ၊ ခရစ်ယာန်ဘာသာ မှခေါင်းဆောင်ကြီးများ ၊မြို့နယ်ရှိ ရဲတပ်ဖွဲ့မှူး၊ မီးသတ် ဦးစီးဌါန အုပ်ချုပ်ရေးမှူး၊ မိခင်နှင့် ကလေးစောင့်ရှောက်ရေး၊ သာသနာရေး ဦးစီးမှူး၊ NGO အဖွဲ့ စသည့် အဖွဲ့ပေါင်း ၁၆ဖွဲ့ တက်ရောက် ခဲ့ကြောင်း သတင်းရရှိသည်။ အဆိုပါ အခမ်းအနားတွင် ရန်ကုန်တိုင်းဒေသကြီး အစိုးရအဖွဲ့၊ လူမူရေးဝန်ကြီး Dr မြင့်သိန်းမှ “ ဘာသာတရားတိုင်း၏ ဘုရားရှင်တိုင်းသည် လောကကြီးနှင့် လူသားအားလုံးအတွက် ကောင်းမွန်မြင့်မြတ်သည့် အသက်ရှင် နေထိုင်မူများကိုသာ ဟောကြား ညွှန်ပြ သွန်သင် ဆုံးမခဲ့ကြသည်။ သို့သော် တစ်ချို့သော လူအနည်းစုသည် လိုချင်တပ်မက်မူ လောဘ၊ အမျက်ကြီးမူ ဒေါသ၊ မသိမိုက်မဲမူ မောဟ တရားများ လွှမ်းမိုးပြီး လောက လူသားများ အတွက် ကောင်းကျိုးတရားနဲ့ သွေဖီကာ မိမိတို့ တစ်ဦးတစ်ယောက်၊ တစ်သင်း တစ်ဖွဲ့ ကောင်းကျိုးကိုသာကြည့်ကာ အတ္တစိတ် လွန်ကဲစွာဖြင့် ဆောင်ရွက်ခဲ့ခြင်းကြောင့် မလိုလားအပ်သော ဆိုးကျိုးများစွာကို ခံစားခဲ့ကြရပါသည်။ ဘာသာရေးသည် ယုံကြည်ကိုးကွယ်မူ အရ လေးနက်သည်နှင့် အမျှ သိမ်မွေ့နှုးညံ့မူလည်း ရှိပါသည်။ နိုင်ငံတော်အနေဖြင့် ဘာသာရေးနှင့် ပတ်သပ်၍ မိမိတို့ ဘာသာအလိုက် လွတ်လပ်စွာ ယုံကြည်ကိုးကွယ်ခွင့် ပေးထားသဖြင့် ဘာသာအသီးသီးကို ဆက်လက်ပံပိုးမူ ပေးသလို ဘာသာအသီးသီးရှိ ဘာသာဝင်များကလည်း မြန်မာနိုင်ငံသားများ ဖြစ်ကြသည့် အလျှောက် သက်ဆိုင်ရာ ဥပဒေ၊ စည်းမျဉ်း စည်းကမ်းများ၊ ဓလေ့ထုံးစံများနှင့် အညီ စည်းကမ်းတကျ ဖြစ်စေရေး လိုက်နာကျင့်သုံးသွားရန် လိုအပ်ကြောင်း ” ထည့်သွင်းပြောကြားခဲ့သည်။ ပန်းဘဲတန်း မြို့နယ် ဗုဒ္ဓဘာသာ ကိုယ်စားပြု ဦးဟန်မှ “ တက်ရောက်လာကြတဲ့ လူမျိုးမတူ၊ ဘာသာမတူပေမယ့် မြန်မာ့မြေပေါ်မှာ အတူနေပြီး မြန်မာ့ရေကို အတူသောက်လာကြတဲ့ ဘာသာရေး ခေါင်းဆောင်များအားလုံး Religious Leaders လူမူရေး ခေါင်းဆောင်များ အားလုံး Social Leaders စိတ်ဓာတ်ရေးရာ ခေါင်းဆောင် Spiritual leader အားလုံးတို့ဟာ မြန်မာဆိုတဲ့ စိတ်ဓာတ်ကို တညီတညွတ်ထဲမွေးကြပြီး သမိုင်းအစဉ်အလာအတိုင်း မေတ္တာဖြင့် ချစ်ကြည်ရင်းနှီးစွာ အတူလက်တွဲ နေထိုင်သွားမည် ဖြစ်ကြောင်း ” ထည့်သွင်းပြောကြားခဲ့သည်။ ပန်းဘဲတန်း မြို့နယ် အစ္စလာမ် ဘာသာဝင်များ ကိုယ်စား ဟာဂျီဦးခင်မောင်သန်း မှ “အမိမြန်မာနိုင်ငံမှာ ရှေးနှစ်ပေါင်း များစွာကတည်းက အေးအတူ ပူအမျှ ၊ မရှိအတူ ရှိအတူ ဘာသာကြီးလေးရပ် အပြန်အလှန် ချစ်ခင်လေးစားလျှက် နေထိုင်ခဲ့ကြပါတယ်။ နိုင်ငံတော် အစိုးရမှလည်း ဘာသာပေါင်းစုံတို့အား လွတ်လပ်စွာ ယုံကြည် ကိုးကွယ်မူများကို သဘောထားကြီးစွာ အခြေခံ ဥပဒေမှာပင် ဥပဒေတစ်ရပ် ပြဌါန်းခွင့်ပြုပေးရုံတင်မက ဘာသာပေါင်းစုံတို့၏ လိုအပ်ချက်များကို ကူညီပံပိုးလျှက် ရှိသည်မှာ ဘာသာပေါင်းစုံ ရရှိ ခံစား စံစားလျှက် ရှိကြပါသည် ” ဟုထည့်သွင်းပြောကြားခဲ့သည်။ ပန်းဘဲတန်း မြို့နယ် ခရစ်ယာန်ဘာသာဝင်များ ကိုယ်စား ဦးမိုက်ကယ် (ခ) ဦးမြင့်ဦးမှ “ ကျွန်တော်တို့ ပန်းဘဲတန်းမြို့နယ်ရှိ ဘာသာကြီးလေးခုလုံးသည် တစ်ဦးကို တစ်ဦး လေးစားသကဲ့သို့၊ အချို့မြို့နယ်များရှိ ဘာသာကြီး လေးခုလုံ ၏ပုဂ္ဂိုလ်များက ချစ်ချစ်ခင်ခင် လေးစား၍ နေထိုင်လျှင် မည်သည့် ပြဿနာမှ ဖြစ်ပေါ်နိုင်ခြင်း မရှိပါ။ကျွန်တော်တို့ ပန်းဘဲတန်းမြို့နယ်ရှိ ဘာသာကြီးလေးခုလုံးသည် ညီညီညွှတ်ညွှတ်နေထိုင်လျှက် ရှိပါသည်။ နောင်ကိုလည်း ဤကဲ့သို့ပင် မြို့နယ်ရှိ ပုဂ္ဂိုလ်များက နေထိုင်လိမ့်မည်လို့ ယုံကြည်ပါကြောင်း ပြောကြားရင်း၊ မေတ္တာရပ်ခံရင်း နိဂုံးချုပ်အပ်ပါသည်” ဟု ထည့်သွင်းပြောကြားခဲ့သည်။ ပန်းဘဲတန်း မြို့နယ် ဟိန္ဒူဘာသာဝင်များ ကိုယ်စား ဦးခင်မောင်မှ “ ဘာသာကြီးလေးခုလုံးရဲ့ ဟောကြား သွန်သင် အဆုံးအမ တွေရဲ့ အခြေခံဟာ မေတ္တာတရားဘဲ ဖြစ်တယ်ဆိုတာ ကျွန်တော်တို့ အားလုံး အသိပဲဖြစ်ပါတယ်။ ဘာသာတရားကြီးတွေ စတင်ထွက်ပေါ်လာရာ အရပ်ဒေသပေါ် မူတည်ပြီး အယူအဆ နည်းစနစ်တွေ အလွဲလွဲ ရှိနေတာဟာ သဘာဝပါ၊ ကိုယ်ယုံကြည်ရာကို လွတ်လပ်စွာ ကိုးကွယ် ဆည်းကပ်နိုင်ပေမယ့် အစွန်းမရောက်ဖို့တော့ လိုပါတယ်။ အစွန်းရောက်မယ် ဆိုရင်တော့ အေးချမ်းတဲ့ လူ့အဖွဲ့အစည်းကို မလိုလားအပ်တဲ့ အနှောက်အယှက်တွေ ဖြစ်စေပြီး စိတ်မချမ်းမြေ့စရာတွေ ဖြစ်ပေါ်ခဲ့တယ်ဆိုတာ လူကြီးမင်းများ အသိဖြစ်ပါတယ်။ ဒါပေမယ့် အဲဒီလက်တဆုပ်စာ အစွန်းရောက် သူတို့ကြောင့် နှစ်ပေါင်းထောင်ချီပြီး ငြိမ်းချမ်းစွာ ဖွဲ့စည်းတည်ရှိထားတဲ့ ကျွန်တော်တို့ရဲ့ ချစ်ကြည်ရေးကို ဘယ်နည်းနဲ့မှ မကျော်လွှားနိုင်ပါဘူး ဆိုတာ ကျွန်တော် ယုံကြည်ပါတယ် ” ဟုထည့်သွင်းပြောကြားခဲ့သည်။ မဟာသိမ်တော်ကြီး ပရိယတ္တိစာသင်တိုက်၊ ဦးစီးပဓာနနာယကနှင့်နိုင်ငံတော် ပရိယတ္တိသာသနာ့ တက္ကသိုလ်(ရန်ကုန်) ဒုတိယ ပါမောက္ခချုပ်ဆရာတော် ဘဒ္ဒန္တကုမာရ (အဂ္ဂမဟာပဏ္ဍိတ) အရှင်သူမြတ်က “ ငြိမ်းချမ်းသာယာသော လူ့ဘောင်ကို ဖော်ဆောင်ရန် ဗြဟ္မာဝိဟာရ တရားပွားများကြပါစို့” ခေါင်းစဉ်ဖြင့် မြွက်ကြားသောမူအပ်သော ချစ်ကြည်ရေး သ၀ဏ်လွှာ တွင် “ ‘ဒီနေ့ ပန်းဘဲတန်းမြို့နယ် ပဋိပက္ခ ဖန်တီးသူများ ကြိုတင်ကာကွယ် တာဆီးရေး ကော်မတီ အနေနဲ့ “ဘာသာကြီးလေးခု ချစ်ကြည်ရေး” အခမ်းအနားကို ဆောင်ရွက်ခြင်းသည် လူ့လောက ငြိမ်းချမ်းရေး ရောင်ခြည်ဖြစ်တဲ့အတွက် ဘုန်းကြီးများ အနေနဲ့ လှိုက်လှိုက်လှဲလှဲ ကြိုဆိုဂုဏ်ပြုပါတယ်။ လူသားများသည် အသိ, အလိမ္မာရှိကြတဲ့အတွက် ငြိမ်းချမ်းစွာ အတူယှဉ်တွဲ နေထိုင်နိုင်ရေးအတွက် တစ်ဦးနှင့် တစ်ဦး တစ်ဖွဲ့နှင့် တစ်ဖွဲ့ ယဉ်ကျေးမူဓလေ့ ထုံးစံများကို အပြန်အလှန် နားလည်မူ၊ ပွင့်လင်းမြင်သာမူ၊ လေးစားမူရှိကြရမှာ ဖြစ်ပါတယ်။ အဲဒီအတွက် မေတ္တာ၊ ဂရုဏာ၊ မုဒီတာ၊ ဥပေက္ခာတရား လေးပါးကို အချင်းချင်းပွားများကြဖို့ တိုက်တွန်းပါတယ်။ အဲဒီတရားလေးပါးဟာ ဗုဒ္ဓဘာသာ တစ်ခုတည်းရဲ့ ကိုယ်ပိုင်တရားများ မဟုတ်ကြပါဘူး။ လူသားမှန်သမျှ လွယ်လွယ်ကူကူ ဆောင်ရွက်နိုင်တဲ့ တရားများ ဖြစ်ပါတယ် ” ဟုထည့်သွင်းပြီးနောက် အခမ်းအနားကို ရုတ်သိမ်းခဲ့ကြောင်း သိရှိရသည်။အဆိုပါ အခမ်းအနားသို့ စုစုပေါင်း လူဦးရေ (၁၂၀) ကျော် တက်ရောက်ခဲ့ကြောင်း သတင်းရရှိသည်။ ရန်ကုန်တိုင်းဒေသကြီး၊ အနောက်ပိုင်းခရိုင်၊ ပန်းဘဲတန်းမြို့နယ် ရှိ ဗုဒ္ဓဘာသာ၊ အစ္စလာမ်ဘာသာ၊ ဟိန္ဒူဘာသာ၊ ခရစ်ယာန်ဘာသာ ဘာသာကြီး(၄)ခု၏ ချစ်ကြည်ရေးနှင့် မလိုလားအပ်သော ပြဿနာများ ဖန်တီးမူ မဖြစ်ပေါ်စေရေးအတွက် ပဋိပက္ခ ကြိုတင်ကာကွယ်တာဆီးရေး ကော်မတီကို ပန်းဘဲတန်းမြို့နယ်ရှိ ဌါနဆိုင်ရာများ၊ ဘာသာပေါင်းစုံ ဘာသာဝင်များဖြင့် ဧပြီလ (၂၃) ရက်၊ ၂၀၁၃ခုနှစ်နေ့က စတင်ဖွဲ့စည်းခဲ့ခြင်း ဖြစ်ကြောင်း သိရသည်။ အဆိုပါ ကော်မတီ၏ ရည်ရွယ်ချက်မှာ ဘာသာအချင်းချင်း ချစ်ခင်ရင်းနှီးစွာ ဆက်ဆံနေထိုင်ရေး ဆောင်ရွက်သွားရန်နှင့် ဘာသာရေး၊ သာသနာရေး၊ လူမျိုးရေးကို အကြောင်းခံ၍ ဆူပူပဋိပက္ခများဖန်တီး၍ မလိုလားအပ်သော ပြဿနာများ ဖြစ်ပေါ်မူ မရှိစေရေးအတွက် ဘာသာအချင်းချင်း ပူးပေါင်းပါဝင်ကာ ကြိုတင် ကာကွယ် တာဆီးဆောင်ရွက်သွားရန် ဖြစ်ကြောင်း သိရသည်။

အစ္စလာမ် ဘာသာဝင်များကို အငြိုးထား မုန်းတီးနေသော ဘုန်းကြီးများ (BY FRANCIS WADE)

အစ္စလာမ် ဘာသာဝင်များကို အငြိုးထား မုန်းတီးနေသော ဘုန်းကြီးများ (BY FRANCIS WADE) ဘာသာပြန်, ဆောင်းပါး ဧပြီ-၂၂-၂၀၁၃ မူရင်းဆောင်းပါးရှင်- FRANCIS WADE မြန်မာပြည်တွင် လတ်တစ်လောဖြစ်ပျက်နေသော မွတ်စ်လင်မ်များကို အကြမ်းဖက်မှုများ၏ အဓိက လှုံဆော်ပေးသူများမှာ ဗုဒ္ဓဘာသာဝင် ဘုန်းကြီးများပင် ဖြစ်သည်။ မဟာမြိုင်ကျောင်းအတွင်းမှ သေးငယ်သော ရုံးခန်းအတွင်းသို့ အပြေးဝင်လာသော ကိုကျော်လွင် ဆိုသူ၏ လက်ထဲတွင် ၉၆၉ စတစ်ကာများ ထည့်ထားသည့် အိပ်တစ်လုံးကို ကိုင်ဆောင်ထားသည်။ ၉၆၉ ဆိုသည်မှာ မွတ်စ်လင်မ်မုန်းတီးရေး အမှတ်တံဆိပ်များပင်ဖြစ်သည်။ လွန်ခဲ့သော ၆လ ခန့်က၊ မဟာမြိုင်ကျောင်း၏ ကျောင်းထိုင်ဆရာတော် ဦးဝိမလ မှ ကျောင်းအနီးတွင်ရှိသော ပုံနှိပ်တိုက်တွင် ၉၆၉ တံဆိပ်ဖြင့် စတစ်ကာများကို ပထမဆုံးပုံနှိပ်မှာယူခဲ့သည်။ အခုအခါတွင် ရန်ကုန်မြို့ရှိ Taxi ကားများ၊ Bus ကားများ နှင့် ဆိုင်များ၏ မျက်နှာစာတို့တွင်ချိတ်ဆွဲထားပြီး အခြားအချက်အချာကျသည့်မြို့များတွင်လည်း ပျံနှံ့လျက်ရှိသည်။ ၉၆၉ သည် မြန်မာမွတ်စလင်မ်များက တိုင်းပြည်ကို ခြိမ်းခြောက်ခြင်းနှင့် စိုးမိုးခြင်းမှ ကာကွယ်နိုင်ရန် အစွန်းရောက်သမားများ၏ အသုံးပြုသင်္ကေတပင်ဖြစ်သည်။ ထိုအစွန်းရောက်ဝါဒမှ စတင်ကာ အကြမ်းဖက်မှုများကို ဂယက်ထစေခဲ့သည်။ ၂၀၁၃ ခုနှစ် လွန်ခဲ့သော လအနည်းငယ်က ထိုဝါဒကြောင့် လူဦးရေ ၄၀ ကျော်ခန့်သေဆုံးခဲ့ကာ၊ ၁၃,၀၀၀ ကျော်ခန့် ဒုက္ခသည် အဖြစ် ထွက်ပြေးတိမ်းရှောင် ခဲ့ကြရသည်။ ၉၆၉ လှုပ်ရှားမှု ကို မြန်မာပြည်၏တောင်ဘက် မော်လမြိုင်မြို့ရှိ ဘုန်းတော်ကြီးကျောင်းတစ်ခု၌် စတင်ခဲ့ပြီး၊ ၉၆၉ စတစ်ကာများမှ စတင်ကာ မြန်မာပြည်အနောက်ပိုင်းတွင် ဗုဒ္ဓဘာသာဝင်များ နှင့် ရိုဟင်ဂျာမွတ်စ်လင်မ်များကို အဓိကရုဏ်းဖြစ်ပွားစေခဲ့သည်။ ၉၆၉ တံဆိပ်ဆိုသည်မှာ ဗုဒ္ဓဘာသာဝင်များအတွက် ဗုဒ္ဓ၏ သင်ကြားမှုများနှင့် နည်းလမ်းများကို ပေါင်းစုကာဖွဲ့ထားသော အထွဋ္ဋ်မြတ်ထားသော အရာဟု ဆိုသည်။ ဦးဝိမလ မိန့်ကြားသည်မှာ..“ ကျွန်ုပ်တို့သည် ဗုဒ္ဓဘာသာဝင်များကို ကယ်တင်ရန် လုပ်ဆောင်ခဲ့ခြင်း ဖြစ်သည် ” ။ ထို့အတူ လွန်ခဲ့သောနှစ်က ရခိုင်ဒေသတွင် ဖြစ်ပေါ်ခဲ့သည့်အကြမ်းဖက်မှုက မြန်မာပြည်တွင် ရှိနေသော ဗုဒ္ဓဘာသာဝင်များအတွက် ခြိမ်းခြောက်မှုတစ်ရပ်ဖြစ်သည်ဟုပါ ထည့်သွင်းဟောကြားခဲ့သည်။ “ အင်ဒိုနီးရှား၊ ဘင်္ဂါလားဒေ့ရှ်၊ ပါကစ္စတန် နှင့် မလေးရှားတွင် ယခင်က ဗုဒ္ဓဘာသာဝင်များ အများအပြားရှိခဲ့ရာ အစ္စလာမ် ဘာသာဝင်များ ရောက်ရှိမောင်းထုတ်ခဲ့သည့်အတွက် အခုလက်ရှိတွင် မွတ်စလင်မ် နိုင်ငံများအဖြစ်တည်ရှိနေခြင်းဖြစ်သည်၊ သမိုင်းပေါ်မူတည်၍ မြန်မာနိုင်ငံတွင်ထိုကဲ့သို့သောအဖြစ်ဆိုး မကျရောက်စေရန် ကာကွယ်ခြင်းဖြစ်သည် ”။ မြန်မာပြည်ရှိ လူဦးရေ၏ လေးရာခိုင်နှုန်းသည် အစ္စလာမ်ဘာသာကိုးကွယ်သူများဖြစ်သည်။ ဤကဲ့သို့ အတူယှဉ်တွဲနေထိုင်ခြင်းမှ ပြသနာများ စတင်ခဲ့ရခြင်းဖြစ်သည် ဟု ဦးဝိမလ က ဟောကြားခဲ့သည်။ မော်လမြိုင်မြို့၏ ရှုပ်ထွေးပြည့်ကျပ်နေသော ဈေးရုံထဲတွင် မွတ်စ်လင်မ် ဈေးသည်များသည် ၄င်းတို့အနီးရှိ ဗုဒ္ဓဘာသာဝင်များ၏ ဈေးဆိုင်များတွင်ကပ်ထားသော ၉၆၉ တံဆိပ်များကို လျစ်လျူရှုကာ အေးချမ်းစွာ ရောင်းဝယ်ခြင်းကို လုပ်ဆောင်နေကြသည်။ ဗုဒ္ဓဘာသာဝင် taxi မောင်းသမားများ နှင့် အရောင်းဆိုင်များမှာ အစ္စလာမ်ဘာသာဝင်များအား ၀န်ဆောင်မှုပေးရန် သူတို့တွင် ပြဿနာ မရှိဟု ပြောကြားခဲ့သည်။ လူတိုင်းတွင် တူညီသောအတွေး မရှိသည်က အစ္စလာမ်ဘာသာဝင်များအတွက် ကံဆိုးစေသည့်အချက်ပင်ဖြစ်သည်။ လွန်ခဲ့သောတစ်လခန့်က မုန်းတီးမှုများ ပေါက်ကွဲထွက်ခဲ့ပြီး ဗုဒ္ဓဘာသာဝင်များနှင့် မွတ်စ်လင်မ်များသည် မိတ္ထီလာမြို့ပေါ်ရှိ ရွှေဆိုင်တွင် ခိုက်ရန်ဖြစ်ပွားရာမှ နှစ်ရက်တိုင် အကြမ်းဖက်မှုများဖြစ်ပေါ်ခဲ့ပြီး၊ အထူးသဖြင့် မွတ်စ်လင်မ်များ၏ အိမ်ရာ ၈၀၀ ကျော်နီးပါး ပျက်စီးခဲ့ရသည်။ မျက်မြင်များ၏ပြောပြချက်အရ အကြမ်းဖက်သမားများသည် အသေအချာအစီစဉ်တကျ လုပ်ဆောင်ခဲ့ပြီး၊ ရဲများသည် မျက်စိအောက်တွင်ဖြစ်ပျက်နေသော သတ်ဖြတ်မှုများအား လျစ်လျူရှုကာကြည့်နေ ခဲ့ကြသည်။ ပြောဆိုချက်များအရ အစိုးရ တာဝန်ရှိသူများ အကြမ်းဖက်မှုတွင်ပါဝင် ပတ်သက်နေသည်ဟု စွပ်စွဲမှုများဖြစ်ပေါ်လာခဲ့သည်။ သံသယများမှတစ်ဆင့် ပြည်တွင်းမငြိမ်မသက်မှုများမှာ ပြောင်းလဲမှုများကြောင့် ငြိမ်သက်ခဲ့ရသော စစ်အစိုးရအား ပြန်လည်အသက်သွင်းရန် လုပ်ဆောင်ခဲ့ခြင်းဟု ယူဆရပါသည်။ ယနေ့ထုတ်ပြန်ခဲ့သော လူ့အခွင့်ရေးစောင့်ရှောက်မှု အဖွဲ့အစည်း၏ အစီရင်ခံစာ “ political and religious leaders in Arakan state ” တွင် ပြီးခဲ့သော အောက်တိုဘာလတွင်ဖြစ်ခဲ့သည့် ရိုဟင်ဂျာများနှင့်အခြား မွတ်စလင်မ်များအား တိုက်ခိုက်မှုတွင်ပါဝင်သော စီစဉ်မှုများ၊ အဖွဲ့အစည်းများ နှင့် လှုံဆော်မှုများ အဓိကထား၍ ပြောကြားထားသည်။ (ပြောကြားချက်တွင် ပြီးခဲ့သောနှစ်က ရခိုင်ဒေသ၌ သွေးထွက်သံယိုဖြစ်ခဲ့ခြင်း နှင့် အကြမ်းဖက်မှုများကြောင့် တိမ်းရှောင်ခဲ့ရသော ၁၂,၅၀၀၀ နီးပါး ရိုဟင်ဂျာ မွတ်စလင်မ်များ ရှိခဲ့သည်။) ရခိုင်ဒေသ နှင့် မိတ္ထီလာတွင်ဖြစ်ပျက်ခဲ့သော အကြမ်းဖက်မှုများ၏ အဓိကမီးမွှေးသူမှာ စစ်အစိုးရ ဆိုသော်ငြားလည်း ဗုဒ္ဓဘာသာဝင်များ၏ရင်တွင်း၌ ထည့်သွင်းခံထားရသည့် မွတ်စ်လင်မ် မုန်းတီးရေး ၀ါဒများက လောင်စာသဖွယ်ဖြစ်ခဲ့သည်။ ၁၉၆၀ ခုနှစ်မှစတင်ခဲ့သော ဘင်္ဂါလီ မွတ်စလင်မ်များအား သတ်ဖြတ်မှု၊ ရခိုင်ဒေသတွင် ရိုဟင်ဂျာများအားသတ်ဖြတ်မှု စသည်တို့သည် ဗုဒ္ဓဘာသာနှင့် မျိုးချစ်စိတ်ကိုပေါင်းစည်းသည့်ဝါဒမှ စတင်ခဲ့ခြင်းဖြစ်သည်။ ၀ါဒလှုံ့ဆော်မှုသည် ယမန်နှစ်ကဖြစ်ပေါ်သော ရခိုင်ဒေသတွင်း အကြမ်းဖက်မှုမှစတင်ကာ မွတ်စ်လင်မ် မုန်းတီးရေးဝါဒအဖြစ် ပျံ့နှံခဲ့သည်။ မိတ္ထီလာ အရေးခင်းတွင် တွေ့ရှိသူများ၏ပြောပြချက်များအရ လူမျိုးတုံး စစ်ဆင်ရေးဟု ယူဆရကြောင်း ဆိုသည်။ မြို့ထဲတွင်ရှိသော မွတ်စ်လင်မ်များကို ယာယီစခန်းများသို့ပို့ဆောင်ကာ သတင်းထောက်များအား ၀င်ခွင့်ပိတ်ပင်ထားကြောင်း သိရသည်။ ထို့အတူ စစ်တွေနှင့် ရခိုင်ဒေသတွင်ဖြစ်ပျက်နေသည့် အရေးခင်းများနှင့် တူညီနေကြောင်း သိရှိရသည်။ အကြမ်းဖက်မှုနှင့်ပတ်သက်သောပြောပြချက်များအရ ၉၆၉ ၏လုပ်ဆောင်မှုများသည် မွတ်စ်လင်မ်မုန်းတီးရေးမှ မြန်မာနိုင်ငံတွင်ရှိသော မွတ်စလင်မ်များအားရှင်းလင်းရန်၊ မြန်မာနိုင်ငံအား အစ္စလာမ်ဘာသာဝင်များ မရှိသော နိုင်ငံအဖြစ် ဖန်တီးရန် ပါဝင်ခဲ့သည်။ အကြမ်းဖက်မှုကို ဆန့်ကျင်သူများသည် ၉၆၉ သင်္ကေတအား ဆန့်ကျင်ခဲ့ကြသည်။ သို့သော် မတူညီစွာ ယူဆသူများ၊ ၉၆၉ သင်္ကေတအား ဖြန့်ဖြူးနေသူများနှင့် ကိုင်ဆောင်သူများကြောင့် အမြစ်မပြတ် သေးကြောင်းတွေ့ရှိရသည်။ အချို့သူများက ခရစ်ယာန်ဘာသာဝင်များ၏ လက်ဝါးကပ်တိုင်ကဲ့သို့ ဗုဒ္ဓဘာသာဝင်များ၏ စည်းရုံးမှုကို ပြသသော သင်္ကေတ အလားသဏ္ဍာန်ဖြစ်သည်ဟု ယူဆကြသလို၊ အခြားသူများကလည်း မွတ်စ်လင်မ်များ၏ ဈေးဆိုင်များတွင်ရှိသော ၇၈၆ သင်္ကေတနှင့် အလားတူစေရန် ဖော်ဆောင်ထားသည် ဟု ဆိုလိုသည်။ “ ဗုဒ္ဓဘာသာဝင်များသည် ၉၆၉ ကို အသက်သွင်းရန် လုပ်ဆောင်ခြင်းကြောင့် များစွာဝမ်းနည်းမိကြောင်း ” ၂၀၀၇ တွင် အကျဉ်းကျခဲ့သော ရွှေဝါရောင်တော်လှန်ရေးတွင်ပါခဲ့သည့် ဘုန်းတော်ကြီး ဦးဂမ္ဘီရက ဆိုသည် “ သူတို့ မုန်းတီးသောအရာကို သူတို့က ပုံတူ ကူးချနေခြင်းသာ ဖြစ်ကြောင်း ” ကိုလည်း ထည့်သွင်းပြောကြားခဲ့သည်။ အစွန်းရောက်သမားများသည် ၉၆၉ အားလက်ခံယုံကြည်စေရန် ၄င်းတွင်ပါဝင်သော နာမ်ဝိဥာဉ် သန့်စင်မှုအယူဆကို ရှင်းလင်းပြသခဲ့သည်မှာ – ဘုရားဂုဏ်တော် ၉ ပါး ၊ တရားဂုဏ်တော် ၆ ပါး ၊ သံဃာ့ဂုဏ်တော် ၉ ပါး ကိုပေါင်းစည်းကာ မြန်မာပြည်တွင်ရှိသော ဗုဒ္ဓဘာသာဝင်အဖွဲ့အစည်းမှ ထုတ်ပြန်ခဲ့ခြင်းဖြစ်သည် ဟူ၍ ရှင်းလင်းပြောဆိုမှုများကြောင့် ဗုဒ္ဓဘာသာဝင်များ၏ ထောက်ခံမှုကို ချက်ခြင်း ရရှိခဲ့ရာ၊ ဦးဆောင်သူများမှ မွတ်စ်လင်မ် မုန်းတီးရေးဝါဒကို ဖြန့်ချီရန် နှင့် မုန်းတီးသူရော မမုန်းတီးသူပါ ပါဝင်ပတ်သက်မှုကို ရရှိခဲ့သည်။ အဓိက ဦးဆောင်သူမှာ ဦးဝီရသူ ဖြစ်ပြီး မန္တလေး မစိုးရိမ် ကျောင်းတိုက်၏ ဦးဆောင်ဆရာတော် ဖြစ်သည်။ ယခင်က မစိုးရိမ်ကျောင်းမှာ အာဏာရှင် ဆန့်ကျင်ရေးလုပ်ဆောင်မှုများတွင်ပါဝင်ခဲ့ပြီး၊ ယခုအခါ ဦးဝီရသူ၏ မွတ်စ်လင်မ် မုန်းတီးရေးဝါဒ ဖြန့်ချိမှုများကြောင့် ဂုဏ်သတင်း ညှိုးနွမ်းခဲ့သည်။ ယခင်က စစ်အစိုးရကို ဆန့်ကျင်ခဲ့သော်လည်း၊ ယခု အကြမ်းဖက်မှုတွင် စစ်တပ်၏ပါဝင်ပတ်သက်မှုမှာ ရှုပ်ထွေးမှုများ ရှိသည်ဟု ဦးဝီရသူက ပြောခဲ့သည်၊ အစ္စလာမ် ဘာသာဝင်များသည် အန္တရာယ် အဖွဲ့ဝင်များ ဟု သူက ယုံကြည်ခဲ့သည်။ ၀ီရသူ၏ အင်တာဗျူးကို ကိုယ်ပိုင်ဓာတ်ပုံများနှင့် တန်ဆာဆင်ထားသော သူ၏အခန်းထဲတွင် လုပ်ဆောင်ခဲ့ပြီး ၄င်းရှိနောက်ခံမြင်ကွင်းသည် သူ့အား နှိမ့်ချနေထိုင်သော ဘုန်းတော်ကြီးအစား ဘာသာရေးအစွန်းရောက်သူ အဖြစ် ပို၍မြင်စေသည်။ “ ကျွန်ုပ်၏ လေ့လာတွေ့ရှိချက်အရ မြန်မာပြည်တွင်ရှိသော ၁၀၀ ရာခိုင်နှုန်းရှိ မုဒိန်းအမှုများကို လုပ်ဆောင်သူများမှာ မွတ်စ်လင်မ်များဖြစ်ပြီး၊ ဗုဒ္ဓဘာသာဝင်များ မဟုတ်ကြပါဘူး ” ဟုဆို၍ “ ဗုဒ္ဓဘာသာ မိန်းကလေးငယ်များအား အတင်းအဓမ္မ လက်ထပ်ယူကြပြီး၊ မိန်းမများသည် ဗုဒ္ဓဘာသာအား ဆက်လက်ကိုးကွယ်ပါက နေ့တိုင်းညှင်းပန်း နှိပ်စက်ကြတယ် ” ဟု ၄င်းမှ ဆက်ပြောကြားသည်။ Photo- U U Mhaw Sayar FB ၀ီရသူသည် မမှန်ကန်မှုများကို လုပ်ဆောင်နေသူဖြစ်သည်။ မြန်မာပြည်တွင်ရှိသော အကြမ်းဖက်မှုများနှင့် ဘာသာရေး ပဋ္ဋိပက္ခများကို တားဆီးရန် မကောင်းသော မွတ်စ်လင်မ်များအား ရှင်းထုတ်ရန် ဟူသောစကားတို့ကြောင့်ဖြစ်သည်။ သို့တစေ ထိုအရာသည် ပဋ္ဋိပက္ခများ၏ အဓိကအချက်ဖြစ်ကြောင်း သူဝန်ခံခဲ့ခြင်း မရှိပေ။ “ မြန်မာပြည်တွင် ရှိသောသူများသည် ကျွန်ုပ်ကဲ့သို့ဆိုပါက မြန်မာပြည်ကြီးငြိမ်းချမ်းနေလိမ့်မည် ” ဟုဟောကြားခဲ့သည်။ ဟောပြောမှုအပြီးတွင် ခြင်္သေ့တစ်ကောင်က ကလေးတစ်ဦးအား စားရန်ဟန်ပြင်နေသောမျက်နှာဖုံးပုံပါဝင်သည့် စာအုပ်အားပေးကမ်းပြီး ကလေးသည် ဗုဒ္ဓဘာသာဝင်ဖြစ်ပြီး ခြင်္သေ့သည် မွတ်စ်လင်မ်ဖြစ်သည်ဟု သူက ရှင်းပြခဲ့သည်။ ဦးဝီရသူ ကို ၂၀၀၃ ခုနှစ်က မွတ်စ်လင်မ်မုန်းတီးရေးဖြင့် မငြိမ်သက်မှုလုပ်ဆောင်ခြင်းကြောင့် အကျဉ်းချခံခဲ့ရသည်။ (ယခုလက်ရှိ ဖြစ်ပျက်နေသော ပဋ္ဋိပက္ခများနှင့်ပတ်သက်၍ သူက ငြင်းဆိုခဲ့သည်။) သို့သော် ယခုတစ်ခေါက်တွင် တိကျသောအရေးယူဆောင်ရွက်မှုများကို အစိုးရက မလုပ်ဆောင်ခဲ့သဖြင့် မြန်မာပြည်၏မတည်ငြိမ်မှုများတွင် အစိုးရ၏အကျိုးရရှိရန် လုပ်ဆောင်မှုများရှိနေသလောဟု သံသယဖြစ်ဖွယ်ရှိသည်။ အကြမ်းဖက်မှုအစီစဉ်များသည် မွတ်စ်လင်မ်များ အနေထိုင်များသော နေရာဒေသများတွင် ဖြစ်ပေါ်ခဲ့သည်။ ပြီးခဲ့သောလ၌ ရှမ်းပြည်နယ်၊ နမ့်ခမ်းမြို့တွင် မွတ်စ်လင်မ် မုန်းတီးရေး poster များကို ဓာတ်မီးတိုင်များပေါ်ကပ်ထားကြောင်းနှင့် ထိုဒေသတွင်နေထိုင်သော လူဦးရေ ၁၀၀,၀၀ တွင် မွတ်စ်လင်မ်အရေအတွက်မှာ ရာဂဏန်းမျှသာရှိသည် ဟုသိရသည်။ ဒေသခံများပြောပြချက်အရ တရုတ်ပြည်ဖက်သို့ တိတ်တဆိတ် ပို့ဆောင်နေသော ဆီ နှင့် ဓာတ်ငွေ့ပိုက်လိုင်းများသည် အနီးနားတွင်ရှိပြီး၊ အတူတကွအေးဆေးစွာ နေထိုင်လာခဲ့သော နေရာများတွင် ဘာသာရေးလှုံ့ဆော်မှုများ ရုတ်တရက် ဖြစ်ပေါ်လာခြင်းမှာ ဓာတ်ငွေ့ပိုက်လိုင်းများကိစ္စဆန့်ကျင်ဆန္ဒပြမှုများမှ ဦးလှည့်စေရန်ဟု ယူဆရသည်ဟု ဆိုသည်။ လေ့လာချက်အရ ဘာသာရေး ပဋ္ဋိပက္ခများသည် မြန်မာပြည်ရှိ အဓိက အင်အားကြီးသော – အမျိုးသားရေး စိတ်ဓာတ်ပြင်းထန်သောလူစုများ၊ အစိုးရနှင့် စစ်တပ်တွင် အဓိကကျသူများကို အကျိုးဖြစ်ထွန်းစေပြီး၊၄င်းတို့ ပြန်လည် အားကောင်းလာပါက မြန်မာပြည်တွင် ဒီမိုကရေစီ စံနစ်ရရှိရန် ဝေးကွာသွားမည် ဖြစ်ပေသည်။ ဆောင်းပါးရှင် FRANCIS WADE မှ http://www.foreignpolicy.com တွင် The Monks Who Hate Muslims အမည်ဖြင့် ရေးသားသည့် ဆောင်းပါးကို ဆီလျော်အောင် ဘာသာပြန်ဆိုပါသည်။

ရခိုင်အားလုံးနဲ့ မသက်ဆိုင်

ရခိုင်နယ်မှာ ရိုဟင်ဂျာ မရှိဘူး ဆိုပြီး ပြောဆိုနေမှု အားလုံးဟာ မျက်ကန်းမျိုးချစ် ခွဲထွက်ရေးဝါဒီ အနောက် သား မျိုးနွယ် လူယုတ်မာ တစ်စုရဲ့ ပြောဆိုချက်သာ ဖြစ်တယ်။ ဒီကိစ္စရပ်မှာ ရခိုင်ပြည် အတွင်းအပြင်နေ ရခိုင် လူမျိုးအားလုံးနဲ့ သက်ဆိုင်ခြင်း လုံးဝ လုံးဝ မရှိပါ။ ရခိုင်ဒေသနေ သာမန် ရခိုင်လူမျိုးဟာ မိမိရဲ့ စားဝတ်နေရေး ကိုသာ နေ့စဉ်အမျှလုံးပန်း ရှာဖွေ စားသောက်နေရပြီး နိုင်ငံရေး၊ ခွဲထွက်ရေး၊ လူမျိုးရေး ကိစ္စများကိုလည်း စိတ် ၀င်စားခြင်း မရှိပါ။ သင်္ကန်းဝတ် တစ်ချို့က ခွဲထွက်ရေးနဲ့ အမျိုးသားရေးကို လှုံ့ဆော်နေပေမယ့်-၊ ထိုကိစ္စမှာ မိရိုးဖလာ သာမန်ရိုးရိုး ရဟန်းသံဃာများနဲ့လည်း ပတ်သက်ခြင်း မရှိပါ။ သာမန်ရိုးရိုး ရဟန်းသံဃာများ အနေနဲ့ ဘိုးစဉ်ဘောင်ဆက်က ပဲ အတူနေထိုင်ခဲ့တဲ့ မွတ်ဆလင်များ အပေါ်မှာ သမိုင်းတစ်လျှောက် ရန်လိုခြင်း၊ ရန်ရှာခြင်း၊ မုန်းတီးခြင်းများ မရှိ ခဲ့တဲ့ အပြင်-၊ ကျောသားရင်သား မခွဲခြားဘဲ ပြောစရာရှိတာပြော၊ ဆုံးမစရာရှိတာ ဆုံးမ၊ ကျွေးစရာရှိတာကျွေး၊ ခိုင်းစရာရှိတာခိုင်း ရင်းနှီးပတ်သက် ကျွမ်းဝင်ခဲ့သည်သာ ဖြစ်ခဲ့ပါတယ်။ ရခိုင်မှာ မွတ်ဆလင်မရှိ၊ ရိုဟင်ဂျာ မရှိဆိုတဲ့ စကားကို ရခိုင်နေလူအများစုကြီးက ဘယ်သောအခါမှ မပြောခဲ့ပါ။ ရိုဟင်ဂျာ ဆိုတဲ့ အမည်နာမကို မနီးစပ်သူများက မကြားဘူးခဲ့တာပဲ ရှိနေပါတယ်။ သူတို့ကို သွားမေးကြည့်ရင် မရှိဘူးမပြောခဲ့ဘဲ၊ အသိဘူးပဲ ပြောခဲ့တာများပါတယ်။ မွတ်ဆလင် မရှိဘူးလား မေးရင်တော့--၊ အရူးကတောင် ရှိ-တယ် ပြောပါမယ်။ အရူးထက် ပိုဆိုးတဲ့ အမိုက်တွေကသာ မိုက်ငြင်းငြင်းနေခြင်း ဖြစ်ပါတယ်။ နောင်တစ်ချိန် သမိုင်းတရားခံဟာလည်း အဲ့ဒီ လူမိုက်တွေပဲ ဖြစ်ပါလိမ့်မယ်။ ရခိုင် ပြည်သူတစ်ရပ်လုံးနဲ့ လုံးဝ မသက်ဆိုင်ပါ။ အခုလည်း ရိုဟင်ဂျာ မရှိဘူး ဆိုတဲ့ သမိုင်းအဖြေထုတ်ဘို့-၊ ထိုင်းနိုင်ငံဘန်ကောက်မြို့- ၂၀၁၃ ခု မတ်လ ၉ ရက်နေ့မှာ Forum တစ်ရပ်ကျင်းပဘို့ ခွဲထွက်ရေးဝါဒီ တစ်စု စိုင်းပြင်းနေပါတယ်။ အစဉ်အလာနဲ့ တည်ခဲ့တဲ့ နယ်မြေတစ်ခုရဲ့ သမိုင်းကြောင်းကို ဖြေရှင်းဘို့ Forum တစ်ရပ် ကျင်းပတာမှာ-၊ ရခိုင်နယ်ရှိ လူမျိုးအားလုံးထဲက ပညာရှင်များကို ဖိတ်ကြားခြင်း မရှိခဲ့ပါ။ ရခိုင်လူမျိုးဆိုတဲ့ အထဲကလည်း တောင်ပိုင်းမြောက်ပိုင်း ဒေသစုံက ပညာရှင်များကို ခေါ်ယူခြင်း မရှိခဲ့ပါ။ နိုင်ငံတစ်ကာ ပညာရှင်များ ဆိုတာမှာလည်း အငြင်းပွားနေတဲ့ နှစ်ဦး နှစ်ဘက်က ပညာရှင်များ၊ ဂုဏ်သရေရှိ ပုဂ္ဂိုလ်များကို ခေါ်ယူခြင်း မရှိခဲ့ပါ။ ခွဲထွက်ရေးဝါဒီ မျက်ကန်းတစ်ချို့နဲ့ သူတို့ကို မြှောက်ပင့်ပေးနေတဲ့ နိုင်ငံခြားသား တစ်ချို့ကိုသာ ခေါ်ယူပြီး တစ်ဘက်သတ် စီစဉ်ပါတော့တယ်။ တစ်ဘက်သတ် ခိုးပြီးပြုလုပ်၊ ပြီးရင် တစ်ဘက်သတ်ကြေငြာချက်ထုတ်၊ လုပ်တဲ့ လုပ်ရပ်များက အမှန်တရားကို ချစ်သူ၊ သတ္တိရှင်တို့ရဲ့ အလုပ်မဟုတ်ဘဲ--၊ ကမ္ဘာ့အလယ်မှာ မျက်နှာပျက်ရမယ့် သူရဲဘောကြောင်သူ၊ အမှား တရားကို ကျူးလွန်သူတို့ရဲ့ ပွဲသာ ဖြစ်ကြောင်း သက်သေပြနေပါတယ်။ တစ်ကယ်တမ်း မျက်နှာပျက်စရာ ရှိရင် ရခိုင်လူမျိုးအားလုံး မျက်နှာပျက်ရမယ့် လုပ်ရပ်လည်း ဖြစ်နေပါတယ်။ ကိုယ့်ဘက်က မှန်နေရင်၊ မှန်ကန်ကြောင်းကို ရဲရဲတင်းတင်း သက်သေပြနိုင်ရင်- ဘာကိုမှ ကြောက်နေစရာ မလိုပါ၊ နှစ်ဦးနှစ်ဘက်က ပညာရှင်တွေကို ပင့်ဖိတ်ပြီး လူကြီးလူကောင်းပီပီ သက်သေထုတ်ပြလိုက်ယုံမျှသာ ဖြစ်ပါတယ်။ ပညာမဲ့ လူယုတ်မာတွေ လုပ်သလို လုပ်နေစရာ မလိုပါ။ အခုလို တစ်ဘက်သတ် ပြုလုပ်နေခြင်း ဆိုတာကိုယ်က မိမိဘက်က မှားယွင်းကြောက်လန့်နေကြောင်းကို ငွေကုန်ကြေးကျခံပြီး ကမ္ဘာ့အလယ်မှာ ၀န်ခံ လိုက်ခြင်းသာ ဖြစ်ပါတယ်။ ရွှေမှန်ရင် မှတ်ကျောက်အတင်ခံရဲရပါမယ်။ အခုတော့ ယိုသူမရှက် မြင်သူရှက် ဖြစ် ရပြီး မဆီမဆိုင်တဲ့ အပြစ်မဲ့ ရခိုင်ပြည်သူ တစ်ရပ်လုံး မျက်နှာပျက်ရတော့မယ့် အလုပ် ဖြစ်နေပါတယ်။ ဒီကိစ္စမှာ ကျွန်တော်တို့ ရခိုင်လူမျိုးအားလုံးနဲ့ မသက်ဆိုင်ကြောင်းကိုပဲ ကျွန်တော့အနေနဲ့ ကမ္ဘာ့မိတ်ဆွေများကို ပြောလိုပါတယ်။ ဒီနေရာမှာ ကျွန်တော်က အစ္စလာမ်သာသနာဝင် ဖြစ်နေလို့ ခင်ဗျားနဲ့ မဆိုင်ဘူး ဆိုပြီး ကျွန် တော့ကို ရခိုင်လူမျိုးထဲက ဖယ်ထားခွင့်မရှိပါ။ ကျွန်တော့ဘက်က ရပ်တည်နေတဲ့ ရခိုင်လူမျိုးရဟန်းသံဃာများ၊ ပြည်သူများလည်း မြောက်များစွာ ရှိနေပါတယ်။ ရခိုင်လူမျိုးအားလုံးက ကျွန်တော့ကို မထောက်ခံရင်တောင် သာမန်ရိုးရိုး လုပ်ကိုင်စားသောက်နေတဲ့ အများစုသော ရခိုင်လူမျိုးများက ကျွန်တော့ကို ထောက်ခံပြီးသား ဖြစ် နေတယ် ဆိုတာလောက်တော့--၊ မျက်ကန်းများ သိစေလိုပါတယ်။ ခွဲထွက်ရေးဝါဒီ မျက်ကန်းများ ကြားမှာ ကြားညပ်နေရတဲ့ ရဟန်းတော် တစ်ချို့ကိုယ်တိုင်က ကျွန်တော့ကို လျှို့ဝှက်ဆက်သွယ် ထောက်ခံပြီးသားပါ။ အချိန်တစ်ခုမှာ အမှန်တရားဟာ ဘွားကနဲ ပေါ်လာမှာ ဖြစ်တယ် ဆိုတာကိုပဲ-၊ မျက်ကန်းများ သိထားစေလိုပါ တယ်။ ရိုးသားတဲ့ ပြည်သူများကို အမျိုးသားရေးမှိုင်းတိုက် ခွဲထွက်ရေး စိတ်သွင်းမယ့် အဖြစ်မျိုးကိုတော့ ပြည်သူကို မသွပ်သွင်းဘို့ မေတ္တာရပ်ခံပါတယ်။ အာဏာမက် လူတစ်စုကြောင့် အပြစ်မယ့် ပြည်သူများ အသက်သွေးမြေကျ ရမယ့် အဖြစ်မျိုးကိုလည်း မဖြစ်စေလိုပါ။ ရိုဟင်ဂျာများကို မုန်းတီးဘို့ “ဓါးစာခံလုပ် လှုံ့ဆော်ရင်း” အမျိုးသားရေး စိတ်တွေဝင်လာအောင် သွပ်သွင်း- အမျိုးသားရေးတွေ အဟုန်မြင့်လာရင် - ဘိုးတော်မောင်ဝိုင်းခေတ်က ငါတို့ ရခိုင်တွေကို မျိုးပြုတ်သတ်ခဲ့တဲ့ အောက်သား (ဗမာ)တွေဆီက ခွဲပြီး အဖ နိုင်ငံ ပြန်လည်ထူထောင်မယ် ဆိုတဲ့ စိတ်ကူးယဉ်မှုကို ရခိုင်ပြည်သူများလည်း ရိပ်မိလာနေပြီ ဆိုတာလောက်တော့-၊ အာဏာရူးမျက်ကန်းများ သိစေ လိုပါတယ်။ “တစ်ဘက်သတ် -ကစားရည်လုခြင်း” “နှစ်ခမ်းတစ်ခုတည်းနဲ့ အစာစားခြင်း” တို့ဟာ ဒုက္ခိတတွေရဲ့ အလုပ်မျှသာ ဖြစ်တယ်။ ပညာဗဟုသုတ ဒုက္ခိတတွေထဲမှာ ရခိုင်လူမျိုး စစ်စစ်များ မပါဝင်ပါ။ ၂၀၁၃ ခုနှစ် မတ်လ ၉ ရက်နေ့ မှာ ပြုလုပ်မယ့် ရခိုင်သမိုင်းဆိုင်ရာ Bangkok Forum အား ရခိုင်လူမျိုးအားလုံးမှ အသိအမှတ်မပြု သကဲ့သို့ ထို Forum မှ ထွက်ပေါ်လာမယ့် အဖြေ၊ ထုတ်ပြန်ချက်များသည်လည်း ရခိုင်လူမျိုးအားလုံးနှင့် လုံးဝ မသက်ဆိုင်ပါ။ (တောင်ကုတ်မြို့မှ ဆရာတော် ဦးပညာဝံသမှ ဖုံးဆက် မေတ္တာရပ်ခံသောကြောင့် ဤစာတမ်းအား ရေးသား ထုတ်ပြန်ခြင်း ဖြစ်သည်။ တစ်ချိန်တစ်ခါတွင် ဤစာတမ်းအတွက် ဆရာတော်မှ တာဝန်ယူနိုင်သည်ဟုလည်း ၀န်ခံထားပါသည်။) ဌေးလွင်ဦး ဦးဆောင်လှုပ်ရှားမှု တာဝန်ခံ မြန်မာမွတ်ဆလင် တန်းတူညီမျှ လှုပ်ရှားဆောင်ရွက်မှု အဖွဲ့ အမေရိကန်ပြည်ထောင်စု

မူစလင် လူငယ်တွေရဲ့ life carrier အတွက် တက္ကသိုလ်နဲ့ scholarship လမ်းညွှန် E စာအုပ်လေး လုပ်ဖို့ project လေးလုပ်ရအောင်

ညီအစ်ကို မောင်နှမများ အားလုံး စလာမ်ပါ။ လူငယ်မောင်မယ်တွေဟာ ဘဝရဲ့ တစ်ဆစ်ချိုးကိုရောက်ပြီဖြစ်တဲ့ အတွက်ကြောင့် သူတို့ရဲ့ ဘဝလျှောက်လှမ်းဖို့ အတွက် ပြင်ကိုပြင်ဆင်ရပါမယ်။ အဲ့ဒီအခါမှာ သူတို့တွေဟာ မိမိတို့ဝါသနာ၊ မိဘဆွေမျိုးတို့ရဲ့ ဆန္ဒ၊ သူငယ်ချင်းအပေါင်းအသင်းတွေရဲ့ တိုက်တွန်းမှု၊ senior တွေရဲ့ အကြံပေးချက်တွေ အပြင် မိမိတို့ရဲ့ resource ( မိမိတို့ရဲ့ အမှတ်၊ အချိန်ပေးနိုင်မှု၊ ငွေကြေးအင်အား၊ အခွင့်အလမ်း)တွေအပေါ်မှာ ချိန်ညှိပြီး တစ်ခုခုကိုရွေးချယ်ကြရပါတယ်။ အဲ့ဒီနေရာမှ အခွင့်အလမ်းဆိုတဲ့ အရာက တော်တော်လေးကို အင်အားကောင်းလှပါတယ်။ အဲ့ဒီအရာက တော်တော်လေးကိုလည်း အကူအညီပေးနိုင်ပြီး အရာလည်းရောက်ပါတယ်။ အဲ့ဒါကို မသိလိုက်ရလို့ တချို့လူငယ်လေးတွေဟာ တော်သော်လည်း ဝါသနာပြင်းထန်သော်လည်း မိမိတို့ဖြစ်ချင်တာ လုပ်ချင်တာတွေနဲ့ အလှမ်းဝေးတဲ့ life carrier မျိုးတွေကိုေ၇ွးချယ်ခဲ့ရတဲ့ ဝမ်းနည်းဖွယ်ဖြစ်ရပ်တွေ ထုနဲ့ ထေးပါ။ တော်လည်းတော်တဲ့ ဖြစ်လည်းဖြစ်ချင်နေတဲ့ လူငယ်တစ်ယောက်ကို သူ့ရဲ့ resource limitation ကိုကျော်လွှားနိုင်မယ့် အခွင့်အလမ်းမျိုးသာ ပြပေးလိုက်နိုင်ရင် ဒီလူငယ်အတွက် လွန်စွာ အကျိုးဖြစ်ထွန်းမှာ ဖြစ်သလို၊ ဒီလူငယ်ရဲ့ ဘဝတစ်လျှောက်လုံးကနေရမယ့် profession ကလည်း အစ္စလာမ်ကို တစ်ဖက်တစ်လှမ်းကနေ အထောက်အကူပြုမှာ အသေအချာပါပဲ။ နောက်ပြီး ဒါဟာ အလ္လာဟ်အရှင်မြတ်ဆီမှာ အင်မတန်မှကို မွန်မြတ်တဲ့ ကိစ္စမျိုးပါ။ တမန်တော်မြတ်ကြီး(ဆွ) စွန္နဟ်နဲ့လည်း အင်မတန်မှကို ညီညွတ်တဲ့ ကိစ္စပါ။ တခါတလေကြတော့လည်း ဝမ်းနည်းဖို့ကောင်းတာက အဲ့ဒီလို အခွင့်အလမ်းမျိုးတွေကို လူငယ်ရာခိုင်နှုန်းတော်တော်များများက မသိကြဘဲ၊ အရှင့်ကရုဏာတော်ကို ဘောင်ကန့်ချင်ကြတဲ့သူတွေ သိတဲ့လူအချင်းချင်းလောက်ပဲ ပတ်ရိုက်နေတာမျိုးတွေလည်း ရှိခဲ့ပါတယ်။ အဲ့ဒီ barrier ကြီးကို ကျော်လွှားဖို့ မူစလင်လူငယ်တိုင်း မိမိတို့ ဘဝရှေ့ရေးအတွက် တန်းတူအခွင့်အရေးရယူနိုင်ဖို့ အခွင့်အလမ်းတစ်ရပ်ကို ကျွန်တော်တို့လုပ်ပေးခဲ့ပြီး နောင်မျိုးဆက်သစ်တွေအတွက် အရှင့်ဆီမှာ တာဝန်ကျေချင်ပါတယ်။ အခုဆိုရင်လည်း အရှင့်ကရုဏာတော်နဲ့ မိမိတို့ကိုယ်တိုင် ဒီအခွင့်အလမ်းတွေကို ရပြီး အတွေ့အကြုံပြန်မျှဝေပေးနိုင်တဲ့ သူတွေ အများကြီးပဲ ရှိသလို ကိုယ်တိုင် မရခဲ့သော်လည်း ဗဟုသုတရှိပြီးသိနေကာ ပြန်မျှဝေနိုင်နေတဲ့ သူတွေလည်း အများကြီး ၇ှိနေကြပါပြီ။ အားလုံးကြိုးစားရင် အင်ရှာအလ္လာဟ် guide book တစ်ခုဖြစ်လာမှာပါ။ အားလုံး ကူညီ ပေးကြပါဦး။ ပထမအဆင့်အနေနဲ့ကတော့ လောလောဆယ် information and data collection လုပ်မယ်။ subject တွေကတော့ အစုံပါမယ် arts, sciences and religious study scholarship ပညာသင်ထောက်ပံ့ကြေးတွေကိုတော့ ပြည်တွင်းရော ပြည်ပ နှစ်ခုလုံးကို မျှဝေပေးကြပါခင်ဗျာ။ တက္ကသိုလ်တွေ အနေနဲ့ကတော့ ပြည်တွင်းရော ပြည်ပရော Islamic University ရော မဟုတ်တာပါ scholarship ပေးတဲ့ ကျောင်းတွေဆို ဖော်ပြပေးစေလိုပါတယ်။ ဒါပေမယ့် တခြားဘာသာတရားတွေကို အခြေခံပြီး သူ့တို့အတွေးတွေ ရိုက်သင်တဲ့ ကျောင်းမျိုးဆိုရင်တော့ ရှောင်ပေးပါ။ online university များကိုပါထည့်ပေးစေလိုပါတယ်။ တက္ကသိုလ်များသာမက ထိုတက္ကသိုလ်တွေကို တက်လှမ်းဖို့ အထောက်အကူပြုမယ့် ထောက်ပံ့ပေးတဲ့ သင်တန်းတွေဆိုလည်း ဖော်ပြပေးကြပါ။ အရှင့်အတွက် သက်သက်ရည်စူးပြီး ကိုယ့်နောက်မျိုးဆက် မူစလင်လူငယ်တွေ အတွက် ကောင်းမွန်စေမယ့် project လေး ဝိုင်းဝန်းလုပ်ကြရအောင်ပါခင်ဗျာ။

ကမ်းလက်

ကမ်းလက် By burmamuslim on April 4, 2013 | Leave a Comment မြန်မာ ပြည်ဆိုတဲ့ ဧရိယာ အတွင်းမှာ တည်ငြိမ် အေးချမ်းမှုတွေ ဖြစ်လာစေဘို့- ကျုပ်တို့ အစ္စလာမ် သာသနာဝင် များ ဘက်က အခု အချိန်ထိ အနစ်နာခံ၊ ဒုက္ခခံ၊ အမုန်းခံပြီး- တည်ဆောက် ပေးနေတယ်။ အနာဂါတ် မြန်မာနိုင်ငံ ရဲ့ ငြိမ်းချမ်းရေး၊ လူ့မှု ဘ၀ တိုးတက် ဖွံ့ဖြိုးရေး၊ ဆင်းရဲ မွဲတေ ဖွတ်ဘိုးအေ ဘ၀များမှ ကင်းလွတ်ရေး-၊ နိုင်ငံ တစ်ကာ မျက်နှာမှာ မသိမ်ငယ် ရစေရေး တို့အတွက် ကျုပ်တို့ဘက်က ငြိမ်းချမ်းရေး ကမ်းလက်ကို ဆန့်ထား နေဆဲ ဖြစ်ပါတယ်။ “လှေမြော-လှေနဲ့လိုက်” မူဝါဒကို ကျုပ်တို့ဘက်က စတင်လိုက် တဲ့တနေ့ မြန်မာ ပြည်တွင်းက လူဦးရေ အနည်း ဆုံး ၅ သန်း စားဝတ် နေရေး ပြတ်လပ် သွားပါ လိမ့်မယ်။ အဲ့ဒီ မိသားစု တွေကို ထောက်ပံ့ ပေးနေဘို့ ပြည်ပမှာ အလုပ်လုပ် နေတဲ့ လူဦးရေ ၂ သိန်း လောက်ဟာ ဒုက္ခကို စတင် ရင်ဆိုင် ရပါ တော့မယ်။ ကျုပ်တို့ အစ္စလာမ် သာသနာဝင် တွေရဲ့ အသက် တစ်ထောင် ပေးရရင်-၊ ကျုပ်တို့ ကလည်း လူ တစ်ထောင်ရဲ့ အသက်ကို ပြန်ယူနိုင် တယ်၊ ကျုပ်တို့ အစ္စလာမ် သာသနာဝင် တွေရဲ့ မိသားစု ၂ သန်း စားဝတ် နေရေး ဒုက္ခ ရောက်ရရင်- ကျုပ်တို့က လည်း လူဦးရေ ၂ သန်းရဲ့ စားဝတ် နေရေးကို ပြန်လည် ဒုက္ခပေး နိုင်တယ်။ ကျုပ်တို့ အစ္စလာမ် သာသနာဝင်တွေ ကို မအိပ်နိုင် မစားနိုင် သောကထဲမှာ ပစ်ထားရင်၊ ကျုပ်တို့ကလည်း အဲ့ဒီ လူဦးရေနဲ့ ညီမျှတဲ့ လူဦးရေကို ထပ်တူသောက ပေးနိုင်ပါတယ်။ ကျုပ်တို့ ဘက်က မီးစိမ်းပြ လိုက်တာနဲ့ အာဆီယံ ဒေသတွင်း ကြီးမားတဲ့ ၀ရုန်းသုန်း ကားမှုကြီးကို တစ်ပြိုင်နက်ထဲ လုပ်ပစ် နိုင်ပါတယ်။ ဒါပေမယ့်–၊ ဒီနေ့ထိ ကျုပ်တို့ ဘက်က ငြိမ်းချမ်း ရေးလက်ကို ကမ်းလှမ်း ထားဆဲပါ။ ပြစ်ဒဏ် တစ်ခုကို ချမှတ်တဲ့ အခါ- “လူဆိုး လူမိုက်များ အတွက်သာ သီးသန့် ကျရောက်မည် မဟုတ်သော ပြစ်ဒဏ်” ဆိုတာ ရှိမြဲပါ။ ဥပမာ- ထန်းပင် တစ်ပင်ကို မိုးကြိုးပစ်ရင်- ထန်းပင် အောက်မှာ နေတဲ့ ဖား၊ ထန်းပင်ပေါ် မှာ ရှိတဲ့ ငှက်၊ ထန်းပင်မမှာ ကပ်နေတဲ့ ပုရွက်ဆိတ်က အစ အကုန်ပါ သွားလေ့ ရှိပါတယ်။- မိုးကြိုး စက်ကွင်းထိ ရာ တစ်ခုလုံး လွတ်မြောက်ဘို့ အခွင့် အလမ်း နည်းပါး ပါတယ်။ ဒါတွေကို ကျုပ်တို့ ဘက်က စဉ်းစားပေး နေဆဲပါ။ တိုင်းပြည် တစ်ခုရဲ့ ရည်ရှည်ကို စဉ်းစား ပေးနေဆဲပါ။ တိုင်းပြည် တစ်ခု- လူ့အသင်း အဖွဲ့တစ်ခု ဆိုတာ ပတ်ဝန်းကျင်နဲ့ မဆက်ဆံလို့ မရသလို၊ ပတ်ဝန်း ကျင်ကို မမှီခိုပဲ ရပ်တည်လို့ မရနိုင်ပါ။ ပြည်တွင်းမှာ မွတ်ဆလင် တွေကို ဒုက္ခ ပေးနေတဲ့ လူမျိုးတွေရဲ့ မိသားစု တွေဟာ-၊ အပြင် လောကကို မှီခိုနေရတယ် ဆိုတာ လောက်တော့ မေ့မထားဘို့ လိုပါတယ်။ မြန်မာ ပြည်ထဲမှာ ဖြစ်နေ သမျှ၊ ဖြစ်ခဲ့ သမျှ၊ အားလုံးမှာ အစိုးရမှာ တာဝန်ရှိပါတယ်။ ရခိုင် လူမျိုးကို ထိုးချလိုက်၊ ၉၆၉ ကို ထိုးချလိုက် ကစား နေခြင်းက ရုပ်ပျက် ဆင်းပျက် လိမ်လည် လှည့်စား နေခြင်းသာ ဖြစ်ပါတယ်။ အပြစ်ရှိ သူကို တိုက်ရိုက် အရေး မယူရဲဘူး ဆိုကတည်းက အဲ့ဒီ အပြစ် ရှိသူလို့ စွပ်စွဲ ခံနေရသူ များရဲ့ နောက်က အစိုးရဟာ တိုက်ရိုက် ပတ်သက် နေကြောင်း ထင်ရှား နေပါတယ်။ ပေါ်တင်ကြီး မြှောက်ပင့် လိမ်ညာ ရေးသား ဖေါ်ပြနေတဲ့ ၀ါဒဖြန့် သတင်းစာများ၊ လူမျိုးနွယ် တစ်ခုကို မျိုးဖြုတ် နိုင်စေဘို့ သမိုင်း လိမ်ပေး နေတဲ့ အုပ်စုများ၊ အစ္စလာမ် သာသနာ ၀င်တွေကို ဘာသာ မတူတဲ့ အကြောင်း ပြချက်နဲ့ အမျိုးမျိုး အပြစ်ရှာ နေသူများ-၊ ဒီလူတွေကို လွှတ်ပေး ထားတာ-၊ အစိုးရဟာ သူတို့ကို မွေးထားကြောင်း ထင်ရှား နေပါတယ်။ အမှု ပြန်ပတ် မှာစိုးလို့ အရေး မယူရဲ ဖြစ်နေတာ ဆိုတဲ့ အချက်လည်း ထင်ရှား နေပါတယ်။ အစိုးရဟာ တိုင်းပြည် အပေါ်မှာ အမှန် တစ်ကယ် စေတနာ ရှိနေရင်-၊ ရှိခဲ့ရင် လက်ရှိ ဖြစ်ပျက် နေတဲ့ အခင်း အကျင်း အားလုံး ကို ရပ်တန်းက ရပ်ပေးရပါမယ်။ မကောင်းတဲ့ ပတ်ဝန်း ကျင်ကို ပစ်ပါယ်ဘုိ့ လူထုကြီး တစ်ရပ်လုံး မှာလည်း တာဝန်ရှိ ပါတယ်။ လက်ရှိ ဖြစ်ရပ်တွေ ကို ၀ိုင်းဝန်း မတားဆီးဘဲ-၊ ရပ်ကြည့် နေတာမျိုး၊ အလျှဉ်း သင့်သလို ဆွမ်းကြီး ၀င်လောင်း တာမျိုး၊ မွတ်ဆလင် များကို မတရား သဖြင့် မုန်းတီးပြီး နှိပ်ကွပ် တာမျိုး-ကို လုံးဝ ရှောင်ကြဉ် ပေးရ ပါမယ်။ ကျုပ်တို့ ဘက်က ငြိမ်းချမ်း ရေး ကမ်းလက်ကို ကမ်းထား ဆဲပါ။ အစိုးရ အဆက်ဆက်က မြန်မာ ပြည်မှာ မွတ်ဆလင် ဆိုတာ ၄ ရာနှုန်းပဲ ရှိ တယ်လို့ ပြောထားတဲ့- ပမာဏက အလွန် သေးငယ်တဲ့ ပမာဏပါ။ ဒီလောက် သေးငယ်တဲ့ ပမဏလေးက ၂၁ ရာစုမှာ မြန်မာ နိုင်ငံကို သိမ်းပိုက် ပစ်မယ် ဆိုတဲ့ စကား များက အရူး စကား များသာ ဖြစ်ပါတယ်။ မွတ်ဆလင်တွေ ကို မျိုးတုံး သတ်ဖြတ်ဘို့ ကြံစည် သွေးထိုးတဲ့ စကား များသာ ဖြစ်ပါတယ်။ ၈၅ ရာနှုန်း ရှိတဲ့ ဗုဒ္ဓ ဘာသာက- နှစ်ပေါင်း ၆၀ ကျော် အာဏာကို ပိုင်ထား ခဲ့တယ်။ လုပ်ပိုင် ခွင့်များကို ပိုင်ထား ခဲ့တယ်။ စစ်တပ်ကို ပိုင်ထားခဲ့ တယ်။ တိုင်းပြည်ရဲ့ သယံဇာတ ဥစ္စာ ပစ္စည်း များကို ပိုင်ထား ခဲ့တယ်။- ဒီလောက် လူဦးရေ များပြီး- ဒီလောက် ပိုင် ဆိုင်မှုများ ခဲ့ပါလျက် မွတ်ဆလင် ၄ ရာနှုန်းကို မျိုးမဖြုတ် နိုင်ခဲ့ရင်-၊ ဘာဆို ဘာမှ မပိုင်တဲ့ မွတ်ဆလင် ၄ ရာနှုန်း က ၈၅ ရာနှုန်း + ရှိသမျှ အားလုံးကို ပိုင်ဆိုင် ထားတဲ့ လူမျိုးကြီးကို ၂၁ ရာစု အတွင်း (ဒီနှစ်ကစ နောင် ၈၇ နှစ် အတွင်း) လွှမ်းမိုး သိမ်းပိုက် သွားမယ် ဆိုတာ-၊ ရူးသွပ် နေသူတွေရဲ့ ၀ါဒ ဖြန့်ချီမှု မျှသာ ဖြစ်တယ် ဆိုတာတော့ ဉာဏ်ရှိ သူတိုင်း ဆင်ခြင် သင့်ပါတယ်။ ဒါတွေဟာ အာဏာရှိ သူများက နောက်ခံ ပေးလို့ ၀ါဒ ဖြန့်နိုင်ခြင်း ဖြစ်တယ် ဆိုတာ လောက်တော့- မြန်မာ ပြည်သူတွေ ဆင်ခြင် နားလည် သင့်တယ်။ ကျုပ်တို့ ဘက်က ဘယ်ဘုန်းကြီး ကျောင်း၊ ဘယ် ခရစ်ယာန် ကျောင်းကိုမှ ၀င်ရောက် စစ်ဆေးခြင်း၊ မယုံ သင်္ကာ ခြင်း မရှိခဲ့ဘူး။ ဘယ်ဘုန်းကြီး ကျောင်းကိုမှလည်း မတရား သဖြင့် မစွပ်စွဲ ခဲ့ဘူး-။ ကျုပ်တို့ ဗလီများကို ၀င်ရောက် စစ်ဆေးမယ်- ဘာညာ စွပ်စွဲ နေခြင်း များဟာလည်း-၊ ဗလီ အတွင်း ဖေါက်ခွဲ ပစ်ဘို့၊ မီးရှို့ ပစ်ဘို့၊ ဖြိုဖျက် ပစ်ဘို့ ၀င်ရောက် ကြည့်ရှုခြင်း မျှသာ ဖြစ်တယ်။ ဒီအထိ ကျုပ်တို့ သည်းခံ ပေးနေတယ်။ ကလိမ် ကကျစ် နည်းတွေ-၊ နိုင်ငံရေး အောက်လမ်း နည်းတွေကို ရပ်တန်းက ရပ်ပေးရမယ်။ ရာဇ၀တ် ကောင်တွေကို ချက်ချင်း လက်ငင်း အရေး ယူပေးရမယ်။- ကျုပ်တို့ ဘက်က ငြိမ်းချမ်း ရေးကို ကမ်းလက် ပေးထား ဆဲပါ။ ဌေးလွင်ဦး ဦးဆောင် လှုပ်ရှားမှု တာဝန်ခံ မြန်မာ မွတ်ဆလင် တန်းတူညီမျှ အခွင့် အရေး လှုပ်ရှား ဆောင်ရွက်မှု အဖွဲ့ အမေရိကန် ပြည်ထောင်စု

အစ္စလာမ်ကို ထောက်လှမ်းခြင်း

အစ္စလာမ်ကို ထောက်လှမ်းခြင်း By burmamuslim on March 28, 2013 နမားဇ် (ဆွလားသ်) ၀တ်ပြုခြင်း အစ္စလာမ်သာသနာသည် အရွယ်ရောက်ပြီးသူ အမျိုးသား/အမျိုးသမီး တိုင်းအား တစ်ရက်လျှင် နမားဇ် (၅) ကြိမ်ဖတ်ရန် အမိန့်ပေးထားသည်။ ယေ ဘုယျအားဖြင့်ကြည့်လျှင် (၅) ကြိမ်ဟူသော အရေအတွက်မှာ များလှသည်ဟု ထင်ရသော်လည်း နောက်ကွယ်မှ အကျိုးတရားများကာ လူသား၏ဘ၀တစ်ခု လုံးကို သိသာစွာပြောင်းလဲပေးနိုင်ကြောင်းကို ရှေ့တွင်တင်ပြပါမည်။ အစ္စလာမ် သာသနာ၏ ထူးခြားချက်ကား မလိုအပ်သော အကျိုးမဲ့သောကိစ္စများကို အမိန့် ပေးစေခိုင်းထားခြင်း လုံးဝမရှိပေ။ ဘာသာရေးအရ အမိန့်စေခိုင်းမှုဖြစ်သော် လည်း မိမိကိုယ်တိုင် (သို့မဟုတ်) မိမိကြောင့် အခြားသူများ အကျိုးရှိစေမည့် ကိစ္စသာ ဖြစ်သည်။ အစ္စလာမ်သာသနာတော်သည် နမားဇ်မဖတ်မီအလျင် ၀ုဇူပြုရန် အမိန့် ပေးထားသည်။ နမားဇ် (၅)ကြိမ်ရှိသည်ဖြစ်ရာ တစ်နေ့လျှင် ၀ုဇူလည်း (၅)ကြိမ် ပြုလုပ်ဖြစ်လေမည်။ ၀ုဇူဟူသည် မိမိခန္ဓာကိုယ်အား အပြင်ပိုင်းဆိုင်ရာ သန့်ရှင်း စင်ကြယ်မှု ရယူခြင်းဖြစ်သည်။ ၀ုဇူပြုရာတွင် ခံတွင်းဆေးကြောခြင်း၊ နှာခေါင်း ဆေးကြောခြင်း၊ မျက်နှာသစ်ခြင်း၊ လက်နှစ်ဖက်ကို တံတောင်ဆစ်အထိ ဆေး ခြင်း၊ ဦးခေါင်းကို ရေစိုနေသောလက်ဖြင့် ပွတ်သတ်ခြင်း၊ ခြေနှစ်ဖက်ဆေးခြင်း တို့ ပါဝင်သည်။ သာမာန်လူတစ်ဦးသည် ခံတွင်းသန့်ရှင်းခြင်း၊ မျက်နှာသစ်ခြင်းကို အလွန် ဆုံး တစ်နေ့လျှင် အိပ်ရာထတစ်ခါ၊ အိပ်ရာဝင်တစ်ခါသာ ပြုလုပ်မည်။ သို့သော် မုစ်လင်မ်တစ်ဦးအဖို့ နမားဇ်၏အကြောင်းခံဖြင့် တစ်နေ့လျှင် (၅) ကြိမ်ပြုလုပ် ဖြစ်သွားသည်။ လူတိုင်းလူတိုင်း နေ့စဉ်နှင့်အမျှ ကြုံရာကျပန်း အလုပ်ကိစ္စများ၌ နစ်မွန်းနေစဉ် ခန္ဓာကိုယ်၌ အ၀တ်အစား ၀တ်ထားသော်လည်း ခြေ၊ လက်၊ မျက်နှာတို့မှာ ပွင့်ဟနေလျက်ရှိသည်။ ထိုနေရာများသို့ ဖုံများ၊ အညစ်အကြေး များ၊ ပိုးမွှားများ တွယ်ကပ်နေစရာရှိသည်။ မုစ်လင်မ်တစ်ဦးသည် နမားဇ်၏အ ကြောင်းခံဖြင့် ထိုနေရာများအား တစ်နေ့လျှင် (၅)ကြိမ် ဆေးကြောဖြစ်သွား မည်။ ဤသည် မိမိ၏ တစ်ကိုယ်ရေသန့်ရှင်းမှုအတွက် မည်မျှပင် အကျိုးဖြစ် ထွန်းလိုက်ပေသနည်း။ သို့သာမက ကျမ်းမြတ်ကုရ်အာန်တွင် မုစ်လင်မ်အမျိုးသား/အမျိုးသမီး များအား နမားဇ်ဝတ်ပြုရာနေရာသို့ သွားရာ၌ လှပကျော့ရှင်းစွာသွားရန် အမိန့် ပေးထားသည်။ အလုပ်၌ နစ်မွန်းနေရသူတစ်ဦးအဖို့ ခန္ဓာကိုယ်၌ ချွေးသီးချွေး ပေါက်များ၊ ချွေးနံ့များ ရှိနေပေမည်။ ဧည့်သည်တစ်ဦးတစ်ယောက်နှင့် တွေ့ဆုံ ရာတွင် ၄င်းအနံ့အသက်များကြောင့် ဧည့်သည်အဖို့ အနည်းအကျဉ်းမဆို အခက်အခဲ ဖြစ်စေ နိုင်သည်။ သို့သော် နမားဇ် (၅) ကြိမ်ဖတ်သော မုစ်လင်မ်တစ်ဦးအဖို့ ခန္ဓာကိုယ် မှာ အမြဲတမ်း ကျော့ရှင်း မွှေးကြိုင် လန်းဆန်းနေမည်ဖြစ်သည်။ ရန်ကုန်မြို့ရှိ ဗလီများကို အသင် လေ့လာကြည့်ပါ။ နမားဇ်အချိန်တိုင်း၌ လူအနည်းဆုံး (၅၀၀) ခန့် ရပ်ကွက်တိုင်းရှိ ဗလီတိုင်း၌ ၀တ်ပြုကြ သည်။ အသင် အရေးကြီးကိစ္စကြောင့် အခမ်းအနားတစ်ခု လုပ်မည်ဆိုလျှင်ပင် လူ (၅၀၀) အား စုစည်းဖို့ မလွယ်ကူပေ။ အသင့်အိမ်၌ ထမင်းစားဖိတ်လျှင်ပင် အချို့သူများ အလုပ်အကိုင်ဖျက်ပြီး လာချင်မှလာလိမ့်မည်။ သို့သော် နမာဇ်ကို အကြောင်းပြု၍ မည်သည့်ဖိတ်စာမှမလို၊ မည်သည့်ဧည့်ခံမှုမျှ မရှိဘဲ၊ မည်သည့် အာဏာမှ မသုံးရဘဲ လူပေါင်းများစွာ နေ့စဉ် (၅) ကြိမ် ဗလီ၌ စုစည်းမိသွား သည်။ ဤကဲ့သို့သော စုစည်းမှုကို မည်သည့်သာသနာတွင်မှ တွေ့ရမည် မဟုတ်ပါ။ တည်ငြိမ်အေးချမ်းသော လောကကြီးဖြစ်ဖို့အတွက် အရေးအပါဆုံးအ ချက်သည် အမိန့်နာခံခြင်းပင် ဖြစ်သည်။ အမိန့်နာခံခြင်းသည် ငြိမ်းချမ်းရေး၏ အရင်းအမြစ်ပင် ဖြစ်သည်။ သားသမီးသည် မိဘအမိန့်နာခံမည်၊ တပည့်သည် ဆရာ၏အမိန့် နာခံမည်၊ အလုပ်သမားသည် အလုပ်ရှင်၏ အမိန့်နာခံမည်၊ လူ ငယ်သည် လူကြီး၏အမိန့် နာခံမည်၊ ပြည်သူလူထုသည် အုပ်ချုပ်သူအစိုးရ၏ အမိန့် နာခံမည်၊ လူသားအားလုံးသည် ဖန်ဆင်းရှင်၏အမိန့် နာခံမည်ဆိုလျှင် ကမ္ဘာလောကကြီးမှာ မငြိမ်းချမ်းစရာ အဘယ်အကြောင်းရှိမည်နည်း။ နမားဇ် သည် အမိန့်နာခံတတ်သော လူသားများ ဖြစ်လာအောင် ထရိန်နင်ပေးနေခြင်း ပင် ဖြစ်သည်။ နမာဇ်ဖတ်ရသော အချိန်များတွင် အချို့ အလုပ်များထဲ၌ နစ်မွန်း နေမည်။ အချို့ အိပ်ရေး၌ရှိနေမည်။ အချို့ အပန်းဖြေ အနားယူနေမည်။ ဤ တွင် နမားဇ်အချိန် ကျရောက်လာပြီးဆိုလျှင် မိမိ၏ လောကီရှာဖွေမှုအားလုံးကို စွန့်လွှတ်၍ ဖန်ဆင်းရှင်၏အမိန့်ကို နာခံရန်၊ နမာဇ်ဝတ်ပြုရန် ဦးလှည့်ကြတော့ မည်။ နမာဇ်ဖတ်သောသူသည် မိမိကိုယ်ရေးကိုယ်တာထက် အမိန့်ကို ဦးစား ပေးနာခံတတ်သည့် အလေ့အကျင့် ရရှိသွားပေတော့သည်။ ဤသည်များသည် နမားဇ်၏ နောက်ကွယ်မှ အကျိုးတရားများပင် ဖြစ်ပေသည်။ ရိုဇဟ် (ဥပုသ်စောင့်ခြင်း) ဒေါသဖြစ်လာချိန်တွင် ရန်သူအား ထိုးကြိတ်ကာ အနိုင်ယူသူနှင့် သည်းခံ မျိုသိပ်ကာ ပြဿနာအား ရှောင်ရှားသွားသူတို့နှစ်ဦးတွင် မည်သူက သတ္တိရှိသူ ဖြစ် သနည်း။ ကာမဆန္ဒ ပြင်းထန်နေချိန်တွင် ပြည့်တန်ဆာခန်းသို့ မသွားဘဲ မိမိ စိတ်ကို ထိန်းချုပ်ကာ ဖန်ဆင်းရှင်ဖက်သို့ အာရုံပြုခြင်း၊ ကောက်ရသည့် အဖိုး တန်ပစ္စည်းကို မိမိမယူဘဲ ပိုင်ရှင်ထံ ပြန်လည်ပေးအပ်ခြင်း၊ ရောဂါဖြစ်နေချိန် တွင် မတည့်သောအစားအစာများ ရှေ့တွင်ရှိနေပါလျက်နှင့် မစားဘဲ မျက်နှာ လွှဲဖယ်ထားခြင်းတို့မှာ အပြောသာလွယ်သလောက် လက်တွေ့ပြုလုပ်ရန် အင်မတန်ပင် ခက်ခဲ၏။ ဖန်ဆင်းရှင်သည် လူသား၏ စိတ်နှလုံးသား၌ လောဘ၊ ဒေါသ၊ တဏှာ ရာဂ အစရှိသည်တို့ကို ထည့်သွင်းထားရာ ၄င်းတို့၏စေ့ဆော်မှုကြောင့် လူသား သည် တဒင်္ဂအရသာ ပေးစွမ်းနိုင်သော အကုသိုလ်ကိစ္စကို ပြုလုပ်ရန် အားသန် လျက်ရှိသည်။ သို့သော် မိမိစိတ်ကို ထိန်းချုပ်ခြင်း (mind control) ဟူသော အရည်အချင်းလည်း တစ်ဖက်တွင် ရှိပြန်၏။ ၄င်းအရည်အချင်းကို ပိုမိုထက် မြတ်လာစေရန်၊ အရည်အသွေး ပိုမိုကောင်းလာစေရန် ထရိန်နင်ပေးသောအ နေဖြင့် အစ္စလာမ်သာသနာသည် သာသနာဝင်တို့အား ရိုဇဟ် ဟူသောအမိန့် ကို ပြဌားန်လိုက်သည်။ ရိုဇဟ်ကို တစ်နှစ်လျှင် တစ်လ ထားရသည်။ နံနက်မိုးသောက်ချိန်မှ ညနေ နေ၀င်သည်အထိ မစားခြင်း၊ မသောက်ခြင်း၊ ဇနီးရှိပါလျက် ကာမဂုဏ်မှု မပြုဘဲနေခြင်း ဖြစ်သည်။ အပေါ်ယံကြည့်လျှင် အမိန့်မှာ အလွန်ပြင်းထန်လှ သည်ဟု ထင်ရသည်။ ပြိုင်ပွဲကြီးတစ်ခု ယှဉ်ပြိုင်ရမည်ဆိုလျှင် လေ့ကျင့်ခန်းကို လည်း အပြင်းအထန်လုပ်ရသည်။ ကျွန်ုပ်တို့၏ အနာဂတ်တွင် မကောင်းမှုအကု သိုလ်ပေါင်း မြောက်မြားစွာက ဆီးကြိုနေကြသည်။ ၄င်းတို့မှ ရှောင်ရှားနိုင်ဖို့ အတွက် မိမိစိတ်ဓါတ်အင်အား မြှင့်တင်နိုင်ရန် အပြင်းအထန် ကြိုးစားရမည်။ ရိုဇဟ်ထားသူသည် မိုးသောက်ချိန်မှစ၍ မစားဘဲနေလိုက်သည်။ နေ့လည် အထိလောက် ကောင်းကောင်းနေနိုင်မည်။ နေ့လည်ခင်းကျော်လာလျှင် ဗိုက် ဆာလာမည်။ တစ်ဖြည်းဖြည်း ညနေနားကပ်လေ ပို၍ပို၍ ဆာလာမည်။ မိမိ တွင် စားနိုင်သည့်အင်အားရှိပါလျက် မစားဘူးဟု ထိန်းချုပ်မည်။ ဤသည် ဒေါသဖြစ်နေချိန်တွင် ဒေါသအလျောက် မကျူးလွန်သွားရန် ထိန်းချုပ်ခြင်း၊ ကာမစိတ် ပြင်းထန်နေချိန်တွင် ကာမဂုဏ်မှု မဖြစ်ပေါ်အောင် ထိန်းချုပ်ခြင်း လောက် မခက်ခဲပါ။ သို့ရှိရာ ဤကဲ့သို့ တစ်လတာ ရိုဇဟ်ထားလိုက်သူအဖို့ အထက်တွင် တင်ပြခဲ့သော အကုသိုလ်များမှ ရှောင်ရှားနိုင်ရန် အလေ့အကျင့်တစ်ခု ရသွား စေမည်။ ထိုသို့ဖြင့် တစ်နှစ်တာကို ကောင်းစွာဖြတ်သန်းနိုင်ပြီး နောက်တစ်နှစ် အတွက် နောက်တစ်ခါ အလေ့အကျင့်လုပ်မည်။ ရိုဇဟ်သည် အရွယ်ရောက် သည့်အချိန်မှစ၍ မထားမနေရတာဝန် ဖြစ်သွားသည်။ ယနေ့ ကလေးငယ် (၇) နှစ် (၈) နှစ်အရွယ်များပင် ရိုဇဟ်ထားနေကြပြီး ဖြစ်သည်။ အစ္စလာမ်သည် လူတစ်ယောက် မနိုင်သည့်တာဝန်ကို မခိုင်းပါ။ ကမ္ဘာရှိ သန်းပေါင်းများစွာသော ယောက်ျား၊ မိန်းမ၊ ကလေးများပင် ရိုဇဟ်ထားနေချိန် တွင် အသင် အဘယ်ကြောင့် မထားနိုင်ရမည်နည်း။ သို့သော် ရိုဇဟ်မထားနိုင် လောက်အောင် ရောဂါတစ်စုံတစ်ရာ အခိုင်အမာရှိလျှင် မထားဘဲနေခွင့်ရှိ၏။ အချုပ်ဆိုရလျှင် အစ္စလာမ်၏ဥပုသ်သည် ဟန်ရေးပြဥပုသ်မဟုတ်ပါ။ ရည်ရွယ် ချက်ကို ထိမိသော၊ လူတို့အတွက် အမှန်တကယ် အကျိုးရှိသော ဥပုသ်စောင့် ခြင်း ဖြစ်ပေသည်။ ဇကားသ် (လူသားချင်း စာနာထောက်ထားကြေး) အစ္စလာမ်သည် အပြောအဟောသာရှိသော သာသနာမဟုတ်ကြောင်း ကို ဇကားသ်က သက်သေပြနေသည်။ ဘာသာတိုင်းတွင် အလှူအတန်းပြုရန်၊ ဆင်းရဲသားတို့အား ကျွေးမွေးစောင့်ရှောက်ရန် ညွှန်ကြားထားသည်ကား မှန်၏။ သို့သော် ညွှန်ကြားချက်သာရှိသည်။ လူတိုင်းလူတိုင်းသည် မိမိ၏ငွေကြေးဥစ္စာအား ချစ်မြတ်နိုးကြသည်။ အလှူအတန်းပြုရာ၌ လွန်စွာ လက်နှေးကြ၏။ တွန့်တိုတတ်ကြ၏။ အနည်း ငယ် အလှူအတန်းကို များစွာ ဂုဏ်ယူတတ်ကြ၏ နည်းနည်းပေးပြီးလျှင် များ များနာမည်လိုကြသည်။ ဆင်းရဲသားများအား ပေးကမ်းလျှင်လည်း အထက်စီးမှ နေ၍ ပေးတတ်ကြ၏။ ထိုအခါ ဆင်းရဲသူနှင့် ချမ်းသာသူကြားမှ အဆင့်အတန်း ကွာခြားသွား၏။ ချမ်းသာသူသည် ဆင်းရဲသူ၏ ကျေးဇူးရှင်ကြီးအလား ဖြစ်သွား ၏။ အစ္စလာမ်သည်ကား ထိုသို့ အဖြစ်မခံပေ။ လူချမ်းသာသည် မိမိ၏ ငွေကြေးဥစ္စာကို သူဆင်းရဲအား လိုလိုလားလား ရှာဖွေပေးကမ်းတတ်သော စိတ်ဓါတ်ကို ရိုက်သွင်းပေးလိုက်၏။ အဘယ်ကဲ့သို့နည်း။ လူတစ်ဦးထံတွင် ၄င်း အတွက် လိုအပ်သည်ထက်ပိုသော ငွေကြေးဥစ္စာများ ရှိ၏။ ထပ်မံ၍ ကုန်ရောင်း ကုန်ဝယ်ပစ္စည်များလည်း ရှိ၏။ ၄င်းအရာနှစ်မျိုး၏ စုစုပေါင်းတန်ဖိုး အား အပုံ (၄၀) ပုံ၍ (၁) ပုံကို မပေးမနေ ဆင်းရဲသားအား ပေးရမည်။ မပေးဘဲ နေလျှင် လွန်စွာ အပြစ်ထိုက်သည်။ ဤသည် အစိုးရထံ မဖြစ်မနေပေးရသော အခွန်ကဲ့သို့ အလုပ်ရှင်သည် ၀န်ထမ်းအား ပေးရသောလခကဲ့သို့ပင်။ ထိုအခါ ၄င်း (၁) ပုံသည် လူချမ်းသားအဖို့ အမှိုက်သဖွယ် ဖြစ်သွားလေသည်။ အိမ်၌ အမှိုက်ရှိလျှင် ဒီအတိုင်းထားမည်လား။ အမှိုက်သမားကို မရမကရှာ၍ ပစ်မည်။ အမှိုက်ပုံဆီ တစ်ကူးတကသွား၍ ပစ်မည်။ နောက်ဆုံးမရလျှင် အမှိုက်သိမ်းသူ ကို ပိုက်ဆံပေးခေါ်ကာ ပစ်သည်။ ထိုသို့ဖြစ် အစ္စလာမ်သာသနာဝင် လူချမ်း သာများသည် မိမိတို့၏ငွေကြေးကို သူဆင်းရဲတို့အား မ၀ံ့ကြွားဘဲ၊ မမောက်မာ ဘဲ လိုလိုလားလာ်းပေးလိုက်ကြမည်။ လူတစ်ဦးတွင် အပိုငွေနှင့် လုပ်ငန်းပစ္စည်းများတန်ဖိုးသည် သိန်း ၁၀၀ ရှိ မည်ဆိုလျှင် ၂ သိန်းခွဲ ဇကားသ်ပေးဆောင်ရမည်။ သိန်း ၁၀၀၀ လျှင် ၂၅ သိန်း သိန်း ၁ သောင်းလျှင် သိန်း ၂၅၀ ပေးဆောင်ရမည်။ အစ္စလာမ်၏ အဆုံးအမ သည် လှပလွန်းသည်။ ဇကားသ်ပေးရာတွင်လည်း သူစိမ်းထက် ဆွေမျိုးသား ချင်းကို ဦးစားပေး၍ ပေးကမ်းရန် ညွှန်ကြားထားသည်။ အသိုင်းအ၀ိုင်းတစ်ခု တွင် ငွေကြေးရှိသူအချို့ ရှိမြဲဖြစ်သည်။ ထိုအခါ ငွေကြေးရှိသူတိုင်းသည် မိမိ၏ ဆွေမျိုးသားချင်း ဆင်းရဲသားများအား ဇကားသ်ပေး ထောက်ပံ့ထားလျှင် လောကတွင် ဆင်းရဲမွဲတေမှုများ အဘယ်မျှပင် လျော့သွားမည်နည်း။ ဇကားသ် လူသားချင်း စာနာထောက်ထားခြင်း၊ ဆင်းရဲမွဲတေမှုကို လျှော့ချခြင်း၏ ပုံဆောင်မှုတစ်ခုပင် ဖြစ်ပေသည်။ ဟဂ်ျ (စုစည်းမှုပြုခြင်း) ယနေ့ ကမ္ဘာ၌ အစ္စလာမ်နှင့်အပြိုင် အယူဝါဒပေါင်းများစွာ ရှိနေသော် လည်း အစ္စလာမ်၏ အားသာချက်မှာ လက်တွေ့ကျခြင်းပင် ဖြစ်သည်။ စည်းလုံးညီညွတ်ခြင်း၊ လူသားအချင်းချင်း တန်းတူအခွင့်အရေးရှိခြင်း၊ လူမျိုးစွဲ ဒေသစွဲ စိတ်ဓါတ်များ ပပျောက်ခြင်း စသည်တို့သည် အဖွဲ့အစည်းတိုင်း အယူ ၀ါဒတိုင်း၏ ဆောင်ပုဒ်များဖြစ်သည်။ သို့သော် လက်တွေ့လုပ်ဆောင်မှု တွင် ဘာမှပြောပလောက်စရာ မရှိပေ။ ကမ္ဘာ့အတိုင်းအတာကို အပထားပါ။ တိုင်းပြည်ငယ်တစ်ခုပင်လျှင် လူမျိုးပေါင်းစုံ၊ ပါတီပေါင်းစုံ ပါဝင်သော ညီလာခံ၊ အခမ်းအနားတစ်ခုလုပ်ရန် အဘယ်မျှ ခက်ခဲပေနည်း။ ကမ္ဘာ့ဒေသအသီးသီး၌ အစ္စလာမ်သာသနာဝင် မရှိသည့်နိုင်ငံဟူ၍ မရှိ ပေ။ ကမ္ဘာ့လူမျိုးအားလုံးနီးနီးတွင်လည်း အစ္စလာမ်သာသနာ လက်ခံယုံကြည် သူများ ရှိနေပြီဖြစ်သည်။ အစ္စလာမ့်နိုင်ငံပင်လျှင် ကမ္ဘာပေါ်၌ (၆၀) ခန့်ရှိသည်။ အစ္စလာမ်သာသနာဝင် ကမ္ဘာတစ်ခုလုံး၌ သန်း (၁၇၀၀) ရှိသည်။ ထိုသူများ အားလုံးကို အစ္စလာမ်၏ခေါင်းစဉ်အောက်တွင် စုစည်းသွားစေရန် အလွန်လှပ သော စနစ်တစ်ခုကို အစ္စလာမ်က ချမှတ်ပေးလိုက်သည်။ ဤသည်ကား ဟဂ်ျ ပင် ဖြစ်သည်။ ကမ္ဘာပေါ်၌ အထွဋ်မြတ်ဆုံးသော နေရာဒေသဖြစ်သော မက္ကဟ်မြို့ကို စုစည်းရာအဖြစ် သတ်မှတ်ပေးလိုက်သည်။ စုစည်းသည့်ကာလမှာ တစ်နှစ် လျှင် တစ်ကြိမ်ဖြစ်သည်။ စုစည်းရက်မှာ (၅) ရက်ဖြစ်သည်။ စုစည်းရာတွင် လည်း ရှင်ဘုရင်၊ သမ္မတမှ သည် သာမန်လူတန်းစားထိ ပုံစံတစ်ခုတည်း အတိုင်း၊ နေရာတစ်ခုတည်း၌ အင်္ကျီတစ်ဆင်တည်း ၀တ်ဆင်ကာ စုစည်းစေ သည်။ သတ်မှတ်ထားသော လုပ်ထုံးလုပ်နည်းများကိုလည်း အစီအစဉ်တကျ လူအားလုံး တစ်ပုံစံတည်း ဆောင်ရွက်ရသည်။ ဥပမာ- ၄င်း (၅) ရက် မိမိ၏အလှအပကို စွန့်ကာ ရေမချိုးဘဲ ခေါင်းပင် မဖြီးပဲ နေရမည်ဟု သတ်မှတ်ထားသည်။ မည်သည့်ခမ်းနားမှုမှမရှိသော ဟင်း လင်းပြင်ကြီးတစ်ခု၌ လူအားလုံးကို တစ်နေ့တာ စတည်းချစေသည်။ ထိုနည်း တူ အခြားအခြားသော ကျင့်ဆောင်မှုများလည်း ရှိသည်။ ဤသည်တို့ကို ရှင် ဘုရင်၊ သမ္မတမှသည် သာမန်လူတန်းစားအထိ မည်သည့်ကွာခြားချက်မျှ မရှိဘဲ လိုက်နာဆောင်ရွက်ရသည်။ ရှင်ဘုရင်သည်လည်း မင်းခမ်းမင်းနား အဆင်တန်ဆာဖြင့် လာ၍မရပါ။ ယနေ့ခေတ်အခါ၌ တစ်နှစ်တစ်နှစ်လျှင် ကမ္ဘာအ၀ှမ်းမှ လူပေါင်း သိန်း (၄၀) ခန့် မက္ကဟ်မြို့သို့ သွား၍ ဤသို့ စုစည်းမှုပြုကြသည်။ ထိုအခါ ဘာသာ စကားအစုံ၊ အရောင်အသွေးအစုံ၊ လူမျိုးအစုံ၊ နိုင်ငံအစုံမှ လူတို့သည် တစ်ဦးနှင့်တစ်ဦး တွေ့ဆုံရင်းနှီမှု ဖြစ်သွားသည်။ ထိုအခါ နိုင်ငံကြီးဝါဒ၊ လူမျိုး ကြီးဝါဒရှိသူတို့သည်လည်း `လူဆိုတာ အားလုံး အတူတူပါပဲလား´ဟူသော ခံယူချက်တစ်ခု ဖြစ်သွားမည်။ ၄င်းခရီးတွင်ပင် မိမိတို့ရဲ့ချစ်လှစွာသော တမန် တော်မြတ်ကြီး မုဟမ္မဒ် သခင်၏ ဗိမာန်တော်ရှိရာ မဒီနဟ်မြို့သို့သွား၍ ဖူးမျှော် ကြသည်။ ၄င်းခရီးစဉ်က အစ္စလာမ်သာသနာဝင်အားလုံးအား ညီရင်းအစ်ကို မောင်ရင်းနှမစိတ်ဓါတ် သွတ်သွင်းပေးလိုက်သည်။ ၄င်းခရီးမှ ရပ်ရွာရောက်ပြီး ချိန်၌လည်း မိမိသည် ကမ္ဘာ့အရှေ့အရပ်၌ ရှိနေပါစေ။ ကမ္ဘာ့အနောက်အရပ်၌ ရှိသော မုစ်လင်မ်တစ်ဦး၏ ခံစားချက်ကို နားလည်ပေးနိုင်သည့် မျှဝေခံစား တတ်သည့် စိတ်နှလုံးသား ဖြစ်သွားသည်။ ၄င်းခရီးစဉ်သည် ငွေကြေးပြည့်စုံသော၊ ခရီးသွားနိုင်သည့် အင်အားရှိ သော မုစ်လင်မ် အမျိုးသား/အမျိုးသမီးတိုင်းအတွက် တစ်သက်လျှင်တစ်ကြိမ် မသွားမနေရ တာဝန်ဖြစ်သည်။ အစ္စလာမ်သာသနာဝင် လူနည်းစုသာရှိသော မြန်မာနိုင်ငံသည်ပင်လျှင် နှစ်စဉ် ၅၀၀၀ ကျော်သွားနေလျက်ရှိသည်။ မည်မျှပင် အားကျစရာကောင်းသော သာသနာဖြစ်သနည်း။ အစ္စလာမ်၏ အရိပ်အောက်တွင် ငြိမ်းချမ်းမှုများ အဘယ်မျှ ဆောနေပါသနည်း။ အစ္စလာမ် သာသနာဝင်ဖြစ်ခြင်းအပေါ် ကျွန်ုပ်သည် အတိုင်းအဆမရှိ ၀မ်းမြောက် ဂုဏ်ယူ ပါသည်။ အသင်လည်း အစ္စလာမ်သာသနာကို လက်ခံပြီးသားဖြစ်နေလျှင် အသင်သည် ကမ္ဘာပေါ်တွင် နဖူးစာအကောင်းဆုံးလူသားများအနက်မှ တစ်ဦး ဟု မှတ်ယူလိုက်ပါ။ အစ္စလာမ်သာသနာကို လက်မခံရသေးလျှင် အချိန်နောက် မကျသေးပါ။ အသင် အသက်ရှင်နေသ၍ အခွင့်အရေး ရှိနေပါသေးသည်။ စစ်မှန်သော၊ ယုတ္တိရှိသော၊ ငြိမ်းချမ်းသာယာသော၊ ဂုဏ်သိက္ခာမြင့်မားသော သာသနာတစ်ခုကို ရယူပိုင်ဆိုင်ရာ၌ ကြန့်ကြာ နှောင့်နှေးနေမည်ဆိုလျှင် အသင့်အတွက် ကြီးမားသော ဆုံးရှုံးမှုပင် ဖြစ်သည်။ ယခုတင်ပြမှုများသည် အစ္စလာမ်၏ အမြည်းသဘောသာဖြစ်ပြီး နှစ်လိုဖွယ်ကောင်းသော အစ္စလာမ်သာသနာ၏ မြောက်မြားစွာသော အကြောင်းတရားများကို ဆက်လက်ရေးသား တင်ပြပေး သွားပါမည်။

အာရ်ကာန် သမိုင်းစဉ် အပိုင်း (၁)

အာရ်ကာန် သမိုင်းစဉ် အပိုင်း (၁) By burmamuslim on April 6, 2013 | Leave a Comment အမ်၊ အက်စ်၊ အဏ္ဏ၀ါ RB သမိုင်း 6.4.2013 Proto-Australoid Negritos (သို့) အာရ်ကာန် ဒေသ၏ ရှေးအကျဆုံး လူမျိုး သမိုင်း ပညာရှင် များ၏ အဆိုအရ အာရ်ကာန်ဒေသတွင် အစောဆုံး ရောက်ရှိ အခြေချ ခဲ့သော ကျောက် ခေတ် နှောင်းပိုင်း Proto-Australoid များကို Negritos ဟုခေါ်သည်။ ထိုသူတို့သည် အသားမဲ ကြပြီး၊ ယခု ကပ္ပလီကျွန်းစု များရှိ မူလ ဘူတ လူမျိုးများနှင့် ဆင်တူသော လူမျိူးများ ဖြစ်ပြီး၊ ၎င်း တို့ကို လူသား စားသူများဟု အဓိပ္ပာယ် ရသော Rakhasha (ပါဠိ) သို့မဟုတ် Rakhshasa (Sanskrit) ဟူ၍လည်း သိခဲ့ကြသည်။ သို့သော်ငြားလည်း သမိုင်း ပညာရှင်များ၏ သုံးသပ်ချက်အရ အာရ်ကာန် ဒေ သတွင် ၎င်းတို့ တည်ရှိခဲ့မှုကို ရှေးဟောင်း သုတေသနဆိုင်ရာ အကြွင်းအကျန် ရှားပါး မှုကြောင့် သက်သေ ပြရန် လွန်စွာ ခဲယဉ်း ပေသည်။ ထို့ကြောင့် ဤအကြောင်း အရာကို ဆွေးနွေး ရန် မ လိုတော့ပေ။ Indo-Aryans (သို့) အာရ်ကာန် ဒေသရှိ အစောပိုင်း လူမျိုးများ ပထမဆုံး အာရ်ကာန် လူမျိုး ဘုရင်များသည် Ganges ချိုင့်ဝှမ်းမှ Indo-Aryans များဖြစ်သည်။ (ရှေးဟောင်း အာရ်ကာန် လူမျိုး သမိုင်း မှတ်တမ်း) Indo-Aryan လူမျိုး များသည် ယနေ့ ရခိုင်များ ဟုခေါ်သော မြန်မာ အဆက်အနွယ်များ မရောက်မှီ ရာစုနှစ် တစ်ခုပြီး တစ်ခု၊ နန်းဆက် အုပ်ချုပ် ခဲ့သည်။ (Maurice Collis နှင့် ဦးစံရွှေဘို Into hidden Burma Chapter, Arakan) Indo-Aryan လူမျိုး၊ မြို (ခမီ) လူမျိုး နှင့် သက် (စက်) လူမျိုး တို့သည် ဘီစီ ၃၃၂၃ မတိုင်မီကပင် ဒွါရ၀တီ၊ ဓည၀တီ မြို့တော်တို့ကို တည်ထောင်ပြီး အခြေချ နေထိုင် ခဲ့ကြောင်း။ (ဇာလုပ် ကတ်ဖို့လေး – စံကျော်ထွန်း (မဟာဝိဇ္ဇာ) – စာမျက်နှာ ၈၁) Negriots ပြီးနောက် ရှေးဟောင်း သုတေသန ဆိုင်ရာ သက်သေ အထောက် အထားများ အရ Indo-Aryan တို့သည် အာရ်ကာန် ဒေသ၌ ဒုတိယ အစောဆုံး အခြေချ ခဲ့သူများ ဖြစ်ကြပြီး၊ ၎င်းနောက် သက်နှင့် ခမီ များဖြစ် ကြသည်။ (ခမီနှင့် သက်တို့သည် တောင်တန်း ဒေသများနေ လူမျိုးနွယ် စုများဖြစ်ပြီး ၎င်းတို့၏ အဆက် အနွယ်ကို တောင်တန်း ဒေသများတွင် ယခု အချိန်ထိ ရှာဖွေ တွေ့ရှိနိုင် ပါသည်။) ၎င်း Indo-Aryan များသည် အဘယ် သူများနည်း။ ရှေးဦးစွာ Indo-Aryan အသုံးအနှုံးကို အနက် အဓိပ္ပာယ် ဖွင့်ဆို ရမည်။ http://bit.ly/2tD2Dd တွင် Indo-Aryan သည် အိန္ဒိယ တိုက်ငယ် အတွင်း ဟင်ဒီ၊ ဘင်္ဂလီ၊ ပန်ဂျာဘီ အစ ရှိသည့် ဘာသာ စကား အပါအ၀င် Indo-European ဘာသာ စကား ပြောဆို ကြသော သူများကို ခေါ်ဆိုသည်ဟု အဓိပ္ပာယ် ဖွင့်ဆို ထားသည်။ ယေဘုယျ အားဖြင့် Indo-Aryan များသည် Dravidians (တောင်ပိုင်း အိန္ဒိယန်း) များမှအပ ကျန်သည့် အိန္ဒိယန်းများ ဖြစ်ကြသည်။ သို့ဖြစ်ပါ၍ ယနေ့ အာရ်ကာန်ဒေတွင် Indo-Aryan ၏မျိုးရိုး စဉ်ဆက် များမှာ ရိုဟင်ဂျာများမှ တစ်ပါး အခြား လူမျိုး တစ်မျိုး ဖြစ်စရာ အကြောင်း လုံးဝ မရှိပေ။ အာရ်ကာန် ဒေသတွင် အေဒီ ၁၀ ရာစု မတိုင်မီတွင် အိန္ဒိယန်း လူမျိုးများ၊ အိန္ဒိယန်း ယဉ်ကျေးမှု များနှင့် စာပေ များကိုသာ ရှာဖွေ တွေ့ရှိခဲ့ ရသည်။ မြန်မာနှင့် မြန်မာ အဆက်အနွယ် တို့၏ ယဉ်ကျေးမှုကို ၁၀ ရာစု နောက်ပိုင်းမှ သာလျှင် ရှာဖွေ တွေ့ရှိခဲ့သည်။ (H. W. Wilson; the history of Indian people, စာမျက်နှာ ၁၈၉ – ၂၀၄) အာရ်ကာန် ဒေသတွင် ၁၀ ရာစု မတိုင်မီ နေထိုင်ခဲ့သော လူမျိုးများနှင့် လူမှု အဖွဲ့အစည်း များမှာ အိန္ဒိယန်းများ ဖြစ်ကြသည်။ (Gordon H. Luce; Early Burma Pre-Bagan) [အာရ်ကာန် ဒေသ၏ နန်းဆက် သမိုင်းများကို သမိုင်း ပညာရှင်များ ပြောကြားချက်အရ ၉၅၇ CE မတိုင်မီ ဓည၀တီ (ကာလပိုင်းခြား ၃ ပိုင်း) နှင့် ဝေသာလီ နန်းဆက် များနှင့် ၉၅၇ CE နောက် လေးမြို့နှင့် မြောက် ဦး တို့တွင် ထင်ရှားသော ထီးနန်းများ တည်ရှိခဲ့သည်။ (အသေးစိတ် ကို နောက်ပိုင်း တွင် ရေးသေား ဖော်ပြ ပါမည်။)] ယနေ့ အာရ်ကာန် ဒေသတွင် ရိုဟင်ဂျာနှင့် ရခိုင် ဟူသော လူမျိုးစု နှစ်စု ရှိသည်။ ၎င်းတို့ အနက် မည်သည့် လူမျိုးစုသည် အာရ်ကာန် ဒေသတွင် လူမျိုးစု၊ ယဉ်ကျေးမှု၊ ဘာသာ စကားတို့ဖြင့် အစောဆုံး လွှမ်းမိုး အုပ်ချုပ် ခဲ့သည့် Indo-Aryan (အိန္ဒိယန်း) များ၏ အဆက် အနွယ်များ ဖြစ်နေကြ သနည်း။ ဤမေး ခွန်း ကို ဖြေကြား ရာတွင် မလို မုန်းတီး မှုကို ဖယ်ရှား၍ ရိုးသားစွာ ဖြေဆိုရန် လိုအပ် ပေသည်။ ရခိုင်များ၏ မူရင်းဇစ်မြစ် ရခိုင်များနှင့် ဗမာများသည် တူညီသော လူမျိုးများ ဖြစ်ကြသည်။ ရခိုင်များသည် ရှေးဦးဗမာ များ ပြောဆိုခဲ့ သည့် စကားကို ပြောဆို ကြသည်။ ပိုမို အရေးကြီးသည်မှာ ၎င်းတို့၏ ကိုးကွယ်သည့် ဘာသာလည်း တူညီသည်။ (ဒေါက်တာ ထင်အောင်၊ Burma before AD 1280; ၂၀၀၃ ခုနှစ်တွင် ဦးအောင်သန်း အင်္ဂလိပ် ဘာသာပြန်သည်။ စာမျက်နှာ ၄၀) ရခိုင်သည် ဗမာလူမျိုးစုဝင် တစ်ခုဖြစ်သည်။ ရခိုင်တို့၏ အစောပိုင်း စာပေများကို ဗမာ ဘာသာဖြင့် ရှာဖွေ တွေ့ရှိ ခဲ့သည်။ (ဒေါက်တာ သန်းထွန်း၊ အသက် ၈၀ နှစ်ပြည့် သတင်းလွှာ) ယခု အင်အားကြီး လွှမ်းမိုး နေသော ရခိုင် များသည် အာရ်ကာန် ဒေသသို့ ၁၀ ရာစု နောက်ပိုင်းတွင် ၀င်ရောက် လာသော တိဘက် – ဗမာ မျိုးနွယ်စု များအနက် ထင်ရှားသည့် အုပ်စု ဖြစ်သည်။ (Dr. Pamela Gutman, Ancient Arakan, 1976) ရခိုင် လူမျိုး များသည် ဧရာဝတီ အထက်ပိုင်းသို့ ရောက်ရှိ အခြေချ ခဲ့သော ဗမာများနှင့် နီးကပ်စွာ ဆင်တူသော Mongoloid မျိုးနွယ်စု များမှ ဆင်းသက် လာသူများ ဖြစ်ကြသည်မှာ သံသယ ၀င်စရာ ပင်မရှိပေ။ ၎င်းတို့သည် ယခု မြန်မာ စကားနှင့် ကွဲပြား ခြားနားသော အသုံးအနှုန်း၊ စကားသံ အချို့များမှ အပ တူညီသော မြန်မာ စကားကိုသာ ပြောဆို ကြသည်။ (History of Burma, Lieut. General Sir Aurthur P. Phayre, စာမျက်နှာ ၄၁၊ ၁၈၈၃) ထို့အပြင် ထင်ပေါ် ကျော်ကြားသော ပညာရှင်များမှ ရခိုင်များ၏ မူရင်း ဇစ်မြစ်ကို ရေးသား ဖော်ထုတ် ထားသော သက်သေ အထောက် အထား အများ အပြား ရှိသော်ငြားလည်း အထက်တွင် ရည်ညွန်း ထားသည့် အထောက် အထား များမှာ ဤအကြောင်း အရာအတွက် လုံလောက်ပြီ ဟုထင်ပါသည်။ သို့ပေမယ့်လည်း ယခု အချိန်ထိ ရခိုင် များသည် Indo-Aryan များမှ ဖြစ်သည် သို့မဟုတ် ၁၀ ရာစု မတိုင်မီ စိုးစံခဲ့သော အိန္ဒိယ မင်းဆက်များမှ ဖြစ်သည်ဟု ဆိုချင် ပါသလား? သို့တိုင်အောင် တစ်ယူသန် ရခိုင် ပညာရှင် များက ရှက်ဖွယ် လိလိ ထင်ရာစိုင်း၍ ရခိုင် တို့သည် ၁၀ ရာစု မတိုင်မီ ထီးနန်း စိုးစံခဲ့သော Indo-Aryan များမှ ဆင်းသက် လာသော မျိုးနွယ်စု ဖြစ်သည်ဟု ပြောဆို ကြသည်။ ဥပမာ အချို့ကို အောက်တွင် ဖော်ပြ ထားသည်။ ရခိုင် တယူသန် များ၏ ထင်ရာစိုင်းမှု ရခိုင် လူမျိုး များသည် ရှေးဦးပိုင်း ကာလတွင် အိန္ဒိယ ဘာသာကို ရေးသားခဲ့ ကြသည်ဟု ထင်ရသည်။ (ဝေသာလီခေတ် အနန္ဒ စန္ဒရ ကျောက်စာ၊ ဦးစံသာအောင် – စာမျက်နှာ ၁၂) သူတို့၏ သမိုင်း အထောက် အထားများသည် မှတ်တမ်းများ ကဲ့သို့ မူရင်း ဇစ်မြစ် မှတ်တမ်း စစ်စစ်များ မဟုတ်ဘဲ ရာစုနှစ်ပေါင်း များစွာ အကြာတွင် ဟုတ်သယောင်ယောင် ကြံရာလိုက် လုပ်ထားခြင်း များသာုဖြစ်သည်။ ယခုအခါ ထိုသူ တို့သည် ဘီစီအီး ၅၀၀၀ ကတည်းပင် နိုင်ငံတွင်း၌ ရှိနေ သယောင် ဖော်ပြနေ ကြသည်။ အိန္ဒိယ ထီးနန်းများ ဖြစ်သော ဓည၀တီနှင့် ဝေသာလီ တို့ကိုလည်း ၎င်းတို့၏ လူမျိုးများ ထီးနန်းများ အဖြစ် ပြင်းထန်စွာ ပြောဆိုနေ ကြသည်။ (Noel F. Singer’s Vaishali and Indianization of Arakan, စာမျက်နှာ ၁၄ , ရည်ညွန်း “ရွှေဇံ, The Golden Mrauk U, စာမျက်နှာ ၁၄၉”) နိုင်ငံရပ်ခြားတွင် နေထိုင်သော တယူသန် ထင်ရာစိုင်း ရခိုင်ပညာရှင် အရှင်နာယက၏ Indo-Aryan ဖြစ်ကြောင်း ပြောဆိုရန် ကြံစည် အားထုတ် နေမှုကိုလည်း ဥပမာ တစ်ခု အဖြစ် အောက်တွင် ဖော်ပြ ထားသည်။ Indo-Aryan များသည် အာရ်ကာန် ဒေသသို့ ပြောင်းရွှေ့ မလာခင် အရှေ့အိန္ဒိယမှ Mongoloid အနွယ်ဝင် များနှင့် လက်ထပ်၍ ရောထွေး လာခဲ့သည်ဟု ယူဆရသည်။ http://bit.ly/10eZtIL ဤသည်မှာ ယင်းသူတို့ တွေးတော ကြံစည် ကြခြင်းပင် ဖြစ်သည်။ထို့ကြောင့် ယုတ္တိမရှိ အခြေ အမြစ် မရှိ ကြံစည် အားထုတ်ခြင်းပင် ဖြစ်သည်။ အကယ်၍ ထိုကဲ့သို့ ပြောဆိုနေ မှုများကို အမှန်ဟု ယူဆ ရလျှင် မေး ခွန်းပေါင်း များစွာ မေးမြန်း ရန်ရှိပြီး ၎င်းတို့ကို ဖြေဆိုပေး ရမည် ဖြစ်သည်။ ၎င်းမေးခွန်း တို့မှာ- အိန္ဒိယ ဘာသာ စကား ပြောဆို နေသည့် ရခိုင်များ ၁၀ ရာစု နောက်ပိုင်းတွင် ရုတ်တရက် မည်ကဲ့ သို့ မေ့ပျောက်ခဲ့ပြီး Tibeto-Burman မူရင်း ဇစ်မြစ်မှ ဖြစ်သော ဘာသာ စကား တစ်ခုကို စပြောနေ ခဲ့ရ သနည်း။ ထီးနန်း စိုးစံ ခဲ့သည့် အိန္ဒိယန်း ဘုရင်များ၏ အိန္ဒိယန်း အမည် များကို တိဘက်-မြန်မာ အမည် များသို့ ပြောင်းရန် အဘယ် အကြောင်းအရာက ဦးတည်ပေးခဲ့ သနည်း။ (ဥပမာ အားဖြင့် အစောဆုံး ထီးနန်း စိုးစံခဲ့သည့် “Chandra” အမည်)။ ထို့အပြင် အိန္ဒိယန်း များနှင့် တူညီ ခဲ့သော ရခိုင် လူမျိုး များ၏ ရုပ်ပုံ သဏ္ဍန်သည် ရုတ်တရက် အားဖြင့် မည်ကဲ့သို့ ကွဲပြားသွား သနည်း။ မေးခွန်း များစွာ ရှိပါသည်။ ထိုအရာ များသည် Missing-Link ခေါ် ဆက်စပ်မှု ပျောက်ဆုံး နေခြင်း ဖြစ်သည်။ ရခိုင် များသည် တခါတရံတွင် Tibeto-Burma အုပ်စုဟု ပြောဆို ကြပြီး တခါတရံတွင် Indo-Aryan မျိုးနွယ်ဟု ပြောဆို ကြသည်။ မတူညီ ကွဲလွဲရာ နှစ်မျိုးကို ပြောလေ့ ရှိသည်။ ရယ်မောဖွယ် တစ်ခု မဟုတ် သလော။ ဖြစ်နိုင်ချေ အားဖြင့် မူရင်း ဇစ်မြစ်နှင့် ၎င်းတို့ ကိုယ်ကို ၎င်းတို့ ဆက်နွယ်မှု မပြတ်စေရန် Tibeto-Burman များဟု ပြောဆိုလေ့ ရှိသည်။ အစောပိုင်း ရခိုင် သမိုင်း မှတ်တမ်း များတွင်လည်း Tibeto-Burman အနွယ်ဝင် များဟု ပြောဆို ခဲ့သည်။ အခြား တစ်ဖက်တွင် Mongoloid အနွယ်ဝင်များ ဖြစ်သည် Tibeto-Burman ရခိုင်များ ကျူးကျော် ၀င်ရောက် မလာမှီ အချိန်ထိ လူနေမှု ပတ်ဝန်းကျင် ဒေသကို ခမ်းနားခမ်း ညားစွာအုပ်ချုပ်ခဲ့သော လူမျိုးများနှင့်ဆက်နွယ်ရန်အတွက် Indo-Aryan များဟု ပြောဆိုသည် မှာ ဖြစ်နိုင်ချေရှိသည်။ စိတ်ဝင်စား ဖွယ်ရာ မေးခွန်း တစ်ခုမှာ “ဗမာများနှင့် ရခိုင်များမှ ရိုဟင်ဂျာများ၊ ဘင်္ဂလီများ၊ အိန္ဒိယန်းများနှင့် ပါကစ္စတန်များကို မည်ကဲ့သို့ ခေါ်သည်ကို သိပါသလော”။ မြင့်မြတ်သော လူမျိုးဟု မူရင်း အဓိပ္ပာယ် ရသည့် “ကုလ” ဟူသည့် ဝေါဟာရကို အိန္ဒိယန်းများ အတွက် နှိမ့်ချရန် သဘောဖြင့် သုံးစွဲ နေခြင်း မဟုတ်လော။ ရခိုင် များသည် Indo-Aryan (အိန္ဒိယ မူရင်း ဇစ်မြစ်) အနွယ်ဝင် များဟု မှတ်ယူလျှင် ထိုသူ များသည်လည်း “ကုလ” များပင် ဖြစ်ကြသည်။ ရခိုင် များသည်ပင် ကုလား ဖြစ်လျှင် အဘယ်ကြောင့် အခြားသူများ (ရိုဟင်ဂျာများ) ကို ကုလားဟု ခေါ်နေကြ သနည်း။ နောက်တနည်း အားဖြင့် ရခိုင် များသည် မိမိတို့ကိုယ် မိမိ ကုလား များဟု ခေါ်ကြ သလား။ ဗမာများမှ ရခိုင်များကို ကုလားဟု ခေါ်ကြသလား။ စင်စစ် အားဖြင့် ရခိုင်များကို မည်သူ များက “ကုလားများ” ခေါ်ကြ သနည်း။ စဉ်းစား စရာပင်။ ဆက်လက် ဖော်ပြ ပါမည်။